ನಂಬಿಕೆ (ಕವಿತೆ) - ವಾಣಿ ಮಹೇಶ್, ಹಾಸನ.

ನಂಬಿಕೆಯು ಕಳೆದು ಹೋಗಿದೆ

ಅಂಬಿಗನ ಕೈಯಲ್ಲಿನ ಹುಟ್ಟು ಜಾರಿ ಹೋದಂತೆ

ಅಭಿಸಾರಿಕೆಯ ಸೆರಗು ಜಾರಿದಂದೇ..//

 ತೋಳಗಳ ಹಿಂಡು ಕುರಿಯನೊಂದು

ಬಲಿ ತೆಗೆದುಕೊಂಡಂತೆ

ಸೂರ್ಯನ ತಾಪ ಮೇರೆ ಮೀರಿದಂತೆ //

ಹಚ್ಚ ಹಸಿರು ತುಂಬಿ ಕಂಗೊಳಿಸಿದ ಭೂರಮೆ

ಕಡು ಪಾಪಿಯ ಸ್ಪರ್ಷದಿಂದ 

ಮುದುರಿ ಹೋದಂತೆ

ಚಂದಿರನ ಹೊಂಬೆಳಕು ಮೋಡಗಳಿಂದ

ಮುಚ್ಚಿ ಹೋದಂತೆ //

ಸಾಗರ ಗರ್ಭದೊಳಗಡಗಿದ

ಮೃತ್ಯುದೇವತೆ ಬಳಿಸಾರಿದಂತೆ

ನಂಬಿಕೆ ಕಳೆದು ಹೋಗಿದೆ..//

ಸಂಬಂಧಗಳು ಸೊರಗಿದಂತೆ

ಸಂಪರ್ಕಗಳು ಕಡಿದಂತೆ

ನಂಬಿಕೆ ಕಳೆದು ಹೋಗಿದೆ

ಸುಂದರ ಬದುಕ ಕಂಡೇವೆಂಬ 

ಭ್ರಮೆಯ ತೊರೆದು ವಾಸ್ತವ

ಅರಿತು ಅದರೊಡನೆ ಸಾಗಬೇಕಿದೆ

ಕಳೆದ ಬದುಕ ನೆನೆದು //

- ವಾಣಿ ಮಹೇಶ್, ಹಾಸನ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)