ಸ್ವತಂತ್ರವಿಲ್ಲದ ಬದುಕು
ಹೆಣ್ಣಿಗೇ ಎಲ್ಲಿಹದು ಹೇಳಿ ಸ್ವತಂತ್ರ
ಬಡವನ ಮನೆಯಲ್ಲಿ ಹೆಣ್ಣಾಗಿ ಹುಟ್ಟೋದೇ ಅತಂತ್ರ
ಸ್ತ್ರೀ ಎಂಬ ಕಾರಣಕೆ ತಂದೆಯ ಮನೆಯಲ್ಲಿಯೂ ಪರತಂತ್ರ//
ಅತ್ತೆಯ ಮನಿಯಲಿ ಅವಳ ಅಡಿಯಾಳಗಿ ಬಾಳುವ ಷಡ್ಯಂತ್ರ
ಎದುರಾಗಿ ಮಾತಾಡಿದರೆ ಸಂಸ್ಕಾರವಿಲ್ಲದವಳು ಅನ್ನೋ ಮಂತ್ರ //
ಕೂತರು ನಿಂತರು ಕೊಂಕಾಡುವರೇ ನಮ್ಮ ಹತ್ರ
ಎಷ್ಟು ಸೋತು ನಡೆದರು ಕರುಣೆ ಇಲ್ಲ ಇವರತ್ರ
ಹೆಣ್ಣು ಎಂಬ ತಾತ್ಸಾರವೇ ಇಂದಿಗೂ ಪ್ರೀತಿಗೆ ಕತ್ರಿ//
ಮಗಳೆಂಬ ಭಾವ ಇಹುದು ಜನರೆದುರು ಮಾತ್ರ
ಅತ್ತೆ ಎಂಬ ಗರ್ವ ಹೋಗದು ಇದೇ ಬಾಳಿನ ತಂತ್ರ //
ಸೊಸೆ ಎಂದ್ರೆ ಮಗನ ಕಿತ್ತುಕೊಂಡವಳೆಂಬ ಖಳನಾಯಕಿ ಪಾತ್ರ
ಸುತನೆಂದರೆ ಹೆಂಡತಿ ಗುಲಾಮನೆಂದು ಅತ್ತೆ ಕೊಟ್ಟ ಪ್ರಮಾಣ ಪತ್ರ //
ತವರ ತೊರೆದು ನಿಮ್ಮ ನಂಬಿ ಬಂದಿಹ ಹೆಣ್ಣಿಗೇ ಎಲ್ಲಿದೆ ಪ್ರೀತಿ
ಇದೇ ಅಲ್ಲವೇ ಇಂದು ಅಸ್ತಿತ್ವವಿರುವ ಅವಿಭಕ್ತ ಕುಟುಂಬದ ರೀತಿ //
- ಶ್ರೀಮತಿ ಸೂಗಮ್ಮ ಡಿ ಪಾಟೀಲ್
ಉತ್ನಾಳ್ (ಬಿಜಾಪುರ).
(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ