ನನ್ನ ಬದುಕು (ಕವಿತೆ) - ಭಾವಗಳ ಬಂಡಿ (ಶಿರೀಷ ವಿದ್ಯಾರ್ಥಿನಿ)ತಾ.ಜಿ. ಯಾದಗಿರಿ.

 ನನ್ನ ಬದುಕು 

ಖುಷಿಯಲ್ಲಿ ನಾ ಹಿಗ್ಗುವೆ..

ದುಃಖದಲ್ಲಿ ನಾ ಕುಗ್ಗುವೆ..

ಜೀವನವೇ ಜಿಗುಪ್ಸೆಯಾಗಿದೆ..

ಆದರೂ ಬದುಕಿರುವೆ..

ಹೆತ್ತವಳ ಆ ಖುಷಿಗಾಗಿ..!

ಜೀವನವೆಂಬ ಈ ಚದುರಂಗದಾಟದಲ್ಲಿ..

ಒತ್ತೆಯಾಳುವಿನಂತೆ ನಾನಿಲ್ಲಿ..

ನನ್ನ ಬದುಕಿಗೆ ಯಾವ ಅರ್ಥವೂ.. 

ಕಲ್ಪಿಸದ  ಆ ದೇವರು

ಯಾಕದರೂ.. ಇನ್ನೂ ಬದುಕಿಸಿದ್ದಾನೆ..

ಎಂದು ಹೇಳುತಿದೆ ಈ ನೊಂದ ಮನವು..!

ಮನಸ್ಸಿನಲ್ಲಿ ಹೊರಲಾಗದ 

ಭಯಾನಕ ಭಾವನೆಗಳು..

ನಿದ್ರೆಯಲ್ಲಿ ನನಸಾಗದ

ಅದೆಷ್ಟೋ ಕನಸುಗಳು..

ಕಾಡುತಿವೆ ಹಗಲಿರುಳು 

ಈ ನೊಂದವಳನು ಬಿಡದೇ..!

ನೆನಪಿನ ಅಲೆಯಲ್ಲಿ.. 

ಮೌನದ ಪಯಣ ನನ್ನದಿಲ್ಲಿ..

ಸಾಗುವ ಹಾದಿಯಲ್ಲಿ.. 

ಬರೀ ಸವಾಲುಗಳೇ ನನಗಿಲ್ಲಿ..

ಮೆಟ್ಟಿ ಬದುಕ ಬಲ್ಲೆ ನಾ ಈ ಭುವಿಯಲ್ಲಿ..

ಆದರೂ ಮೌನವಾಗಿದೆ ಮನವೇಕೋ ಇಲ್ಲಿ..!?

- ಭಾವಗಳ ಬಂಡಿ (ಶಿರೀಷ ವಿದ್ಯಾರ್ಥಿನಿ)

ತಾ.ಜಿ. ಯಾದಗಿರಿ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)