ಗಝಲ್
ನಿನ್ನ ದನಿಯ ಮೋಡಿಗೆ ಸಿಲುಕಿರುವೆ ಗೆಳೆಯಾ/
ನಿನ್ನ ಮಧುರದನಿಗೇ ಕರಗಿ ಸೋತು ಹೋಗಿರುವೆ ಗೆಳೆಯಾ//
ನೀ ಯಾರೋ ಸಖ ಎಲ್ಲಿದ್ದೆ ಇಲ್ಲಿತನಕ /
ಹೃದಯಗುಡಿಯಲಿ ನೆಲೆಸಿ ಮೋಡಿ ಮಾಡಿರುವೆ ಗೆಳೆಯಾ//
ನಿನ್ನ ಸ್ವರ ಆಲಿಸಲು ದಿನವು ಕಾತರಿಸುವೆನು /
ಸೋಲದ ಮನವಿಂದು ಏಕೋ ಕಾಡುತಿವೆ ಗೆಳೆಯ//
ಜನ್ಮಜನ್ಮದ ಬಾಂಧವ್ಯದ ನಲ್ಮೆಯ ಭರವಸೆಯಿತ್ತವನು/
ಜೀವನದಲಿ ಹೊಸ ಬೆಳಕ ತಂದಿರುವೆ ಗೆಳೆಯಾ//
ಪ್ರೀತಿ ಸ್ನೇಹ ಅನುಬಂಧದ ಸಂಕೋಲೆ ತೊಡಿಸಿರುವೆ/
ಬಾಳಿನಲಿ ನವ ಕಾಂತಿ ಮೂಡಿಸಿರುವೆ ಗೆಳೆಯ//
ನನ್ನೆದೆಯ ಬೇಗುದಿಗಳ ಕಳೆಯುತ ನಾನಿರುವೆ ಎಂದವನೇ/
ಒಲ್ಮೆಗೆ ಆದೈವವಿತ್ತ ಕೊಡುಗೆ ನೀನಾಗಿರುವೆ ಗೆಳೆಯ//
ಶ್ರೀಶಾಳ ಅಂತರಾಳದಲಿ ನಿನ್ನ ಹೆಸರೇ ಮಿಡಿಯುತಿರುವುದು/
ಬಾಳಿನ ದಿವ್ಯ ಸ್ಪಂದನವು ನೀನಾಗಿರುವೆ ಗೆಳೆಯಾ//
✍️ ಆಶಾ.ಎಲ್.ಎಸ್., ಶಿವಮೊಗ್ಗ.
(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ