ನಾ ನಡೆದು ಬರುವ ಹಾದಿಯಲ್ಲಿ (ಚಿತ್ರ ಕವನ) - ಕಟ್ಟೆ.ಎಂ.ಎಸ್.ಕೃಷ್ಣಸ್ವಾಮಿ, ಮಂಡ್ಯ.

ನಾ ನಡೆದು ಬರುವ ಹಾದಿಯಲ್ಲಿ 

ನಾ ನಡೆದು ಬರುವ ಹಾದಿಯಲಿ

ಕಂಡೆನು ನಾನೊಂದು ಸೊಬಗಿನ ಕೆರೆಯಾಗಿ

ಮೈದುಂಬಿ ಹರಿಯುತಿತ್ತು ಆ ಕೊಳ

ಸಕಲ ಜೀವರಾಶಿಗೂ ಜೀವಧಾರೆಯಾಗಿ//೧//

ಬರಸಿಡಿಲಂತೆ ಬರಗಾಲ ಆವರಿಸಿದೆ

ತುಂಬಿದ ಪುಷ್ಕರಣೆಯ  ಬರಿದಾಗಿಸಿದೆ

ಬತ್ತಿದ ಧರಣಿಯ ಒಡಲು

ಬದಲಾದ ಪ್ರಕೃತಿಯ ಉಗ್ರತೆಗೆ  ಛಿದ್ರವಾಗಿಸಿದೆ//೨//

ಸಸ್ಯ ಶ್ಯಾಮಲೆಯ ನೀ ಕೊಂದು

ನಾವೇ ಮಾಡಿಕೊಂಡ ಈ ಪರಿ

ಮಾಡಿದ್ದು ಉಣ್ಣೋ ಮಹಾರಾಯವೆಂಬಂತೆ

ಪರಿಸರವ ಹಾಳುಮಾಡಿ ನೀನಾದೆ ಪರಾರಿ//೩//

ಇದ್ದಾಗ ನಿಸರ್ಗ ಸಂಪತ್ತುಗಳ ದಿಶಾ ದಿಕ್ಕಿನಲ್ಲೂ

ನಿನ್ನ ಆಸ್ತಿಯಂತೆ ಸಂರಕ್ಷಿಸಿ ಉಳಿಸಿ ಬೆಳೆಸು

ಮುಂದಿನ ಪೀಳಿಗೆಗೆ ನೀನಾಗುವೇ ಯಶ

ಜಗವ  ಬೆಳಗುವ ರವಿಯಂತೆ  ಪ್ರಜ್ವಲಿಸು//೪//

 

- ಕಟ್ಟೆ.ಎಂ.ಎಸ್.ಕೃಷ್ಣಸ್ವಾಮಿ, ಮಂಡ್ಯ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)