*ಶಾಲೆಯ ತೆರೆಯುವ ಬಯಕೆ*
ಬಿಕೋ ಎನುತಿವೆ ನಮ್ಮ ಶಾಲಾ ಅಂಗಳಗಳು
ಭಣಭಣಗುಡುತಿವೆ ಮಕ್ಕಳಿಲ್ಲದ ಕೊಠಡಿಗಳು
ಉರುಳಿಹೋದವು ಎರಡು ವರುಷಗಳು
ಶಾಲೆಯ ಬಾಗಿಲ ತೆರೆಯದ ಬಾಳು||
ಮಾಸಿದ ಗೋಡೆಯ ನಿಶ್ಶಬ್ಧದ ಅಲೆಯು
ಹಾಸಿದೆ ಅಲ್ಲೆಲ್ಲಾ ಜೇಡರ ಬಲೆಯು
ಕೈತೋಟ ಗಿಡದಿ ಹೂಗಳು ಅಳುತಿವೆ
ಮಕ್ಕಳ ಕಿಲಕಿಲ ನಗುವಿಲ್ಲದೆ ಕೊರಗಿವೆ||
ಎರಡನೆ ಅಲೆ ಕೊರೋನಾ ಕಾರುಬಾರು
ಬಯಭೀತಿಯಲಿ ನಮ್ಮ ಪೋಷಕರು
ಪರೀಕ್ಷೆ ನಡೆಸಲು ಎಡರುತೊಡರು
ಆಗಲೇ ಮೂರನೆ ಅಲೆಯ ಗೊಂದಲ ಶುರು||
ಗುರುಗಳು ಕಾದಿಹರು ಕಲಿಸಲು
ಪ್ರೀತಿಯ ಮಕ್ಕಳ ಎದುರುಗೊಳ್ಳಲು
ಪರ್ಯಾಯಯೋಜನೆ ಸಿದ್ಧತೆಗೊಳ್ಳಲು
ಇಲಾಖೆ ಕಾದಿದೆ ಶಾಲೆಯ ತೆರೆಯಲು||
ಆನಂದಜಲ,ಶಿಕ್ಷಕಿ.
ಅಧ್ಯಕ್ಷರು ಶ್ರೀ ಸಿದ್ದೇಶ್ವರ ಸಾಹಿತ್ಯ ವೇದಿಕೆ ತುರುವೇಕೆರೆ.
(ನಿಮ್ಮ ಬರಹಗಳ ಪ್ರಕಟಣೆಗೆ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ