ಹೃದಯ ಮಿಡಿತ ( ಕವಿತೆ) - ಕಟ್ಟೆ ಎಂ ಎಸ್ ಕೃಷ್ಣಸ್ವಾಮಿ.

ಹೃದಯ ಮಿಡಿತ

*ಹೃದಯ ಹೃದಯ ನೀನೇ ಸನಿಹ* 

*ಹೃದಯದ ಕದವ ತೆರೆಯೇ ನೇಹ ..//*

*ಮನಸಿಗಿಲ್ಲ ಬಣ್ಣ ಅಳಲು ಬೇಡ ಕರುಣ*

*ಅಂತರಂಗದೊಳಗೆ ಆವರಿಸಿದೆ ನೀನೇ ಅರುಣ..//ಹೃದಯ//*

*ಹಣಿತ ನೊಂದ ಹೃದಯವಿದು  ಹಂಬಲಿಸಿದೆ*

*ಮಮತೆಗಾಗಿ ಕಣ್ಣೀರ ಕೊಡಿ ಹರಿಸಿದೆ..*

*ಕದದ ಸನಿಹದಿ ಶಶಿಕಿರಣದಿ*

*ತಾರೆಗಳ ಸೊಬಗಿನ ಸುಮ ನಗುವಿದೆ..//ಹೃದಯ//*

*ಚಿಲಿಪಿಲಿ ಹಕ್ಕಿಪಕ್ಷಿಗಳ ಸ್ವರವಿದೆ*

*ಬೆಳ್ಮುಗಿಲ ಬೆಳ್ಳಕ್ಕಿಯ ಮುಗಿಲು ನಲಿದಿದೆ..*

*ಪ್ರಕೃತಿ ಮಾತೆಯ  ಸೊಬಗಿದೆ ಗಂಧ*

*ಓ ಮನವೇ,ಈ ಬಂಧವಾಗಲಿ ಅನುಬಂಧ..//ಹೃದಯ//*

*ವಸಂತ ಕೋಗಿಲೆ ಮತ್ತೆ ಹಾಡಲಿ*

*ಋತುಗಳು ನಿನ್ನ ಶ್ರುತಿ ಲಾಪಕಾಗಿ ಕಾದಿದೆ..*

*ಆಗಸದ ಗುಡುಗು ಮಿಂಚಲಿ ನಾದವಿದೆ*

*ಸುರಿವ ಹನಿಹನಿ ವರ್ಷಧಾರೆಯಲಿ ಸಾರವಿದೆ..//ಹೃದಯ//*

*ಅನುರಾಗದ ಲತೆಯಲಿ ಕುಸುಮವು ಅರಳಿದೆ*

*ಓ ಒಲವೇ,ನಾಕದ ಬಾಗಿಲು ತೆರೆದಿದೆ..*

*ಧರೆಗೆ ಇಬ್ಬನಿ ಕರಗಿ ಧಾರೆಯಾಗಿ ಹರಿದಿದೆ*

*ಓ ಒಲವೇ,ಹೃದಯ ಮಿಡಿತದಿ ನಲಿದಿದೆ..//ಹೃದಯ//*

- ಕಟ್ಟೆ ಎಂ ಎಸ್ ಕೃಷ್ಣಸ್ವಾಮಿ

ಅಡ್ವೈಸರ್ ಅಂಚೆ ಜೀವ ವಿಮೆ ಮಂಡ್ಯ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ )