ಹಸಿರ ಹಾಡು (ಕವಿತೆ) - ಶ್ರೀಮತಿ ರೇಖಾ ನಾಡಿಗೇರ

ಮರದ ಬೊಡ್ಡೆಯದು ಮೈಚಾಚಿ ಚಿಗುರಿಹುದು

ಬೇರಿಲ್ಲದಿರೆ ರೆಂಬೆಯಲ್ಲಿ?

ಕೊಂಬೆಯೆಲ್ಲಿ?//

ಕಡಿಯುವದು,ಕುಕ್ಕುವದು ಮನುಜ ಸ್ವಭಾವ

ಬೇರು ಬೊಡ್ಡೆಯನಾದರೂ ಉಳಿಸಿಹನಲ್ಲ

ಕಾಯಲವನ ದೈವ//

ಹಕ್ಕಿ ಪ್ರಾಣಿ ಪಕ್ಷಿಗಳಿಗೆಂದೇ ಹುಟ್ಟಿ ಬಂದವರು ನಾವು

ಹೂ ಹಣ್ಣು ಹಸಿರು ಗೊಬ್ಬರ ನೀಡಿ

ನಿಮಗೆಲ್ಲ ಉಸಿರಿತ್ತವರು ನಾವು//

ಅರಿಯದಾಗಿಹಿರಿ ಭವಿಷ್ಯದ ದಿನಗಳ

ಗುಡ್ಡ ಬೆಟ್ಟ ಕಾಡುಗಳ ಹೀಗೇ ಸವರುತ್ತ ಸಾಗಿದರೆ

ಮುಂದೆಲ್ಲಿ ಕಾಣುವಿರಿ

ಕೆರೆ ತೊರೆ ನದಿಗಳ//

ನೀರು ಗೊಬ್ಬರ ಕೊಟ್ಟವರು

ನೀವಲ್ಲ

ಕಾಲಕಾಲಕ್ಕೆ ಮಳೆಯ ಹನಿಸಿ ಪೊರೆದವನು ಆ ದೇವರಲ್ಲ!//

ಪ್ರತಿಭಟಿಸಲಾರೆವೆಂದು ನಿಮ್ಮ ಉರವಣಿಗೆ

ನೀರಿಗಾಗಿ ತತ್ತರಿಸುತ್ತಿರುವಿರಿ ಕಾಣದೇನು ನಮಗೆ

- ಶ್ರೀಮತಿ ರೇಖಾ ನಾಡಿಗೇರ, ಹುಬ್ಬಳ್ಳಿ.

9886590666

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)