ಆತ್ಮವಿಶ್ವಾಸವೇ ಶ್ವಾಸವಾಗಿರಲಿ (ಕವಿತೆ) - ಶಾಂತಾರಾಮ ಮರಾಠಿ ಶಿರಸಿ, ಉತ್ತರ ಕನ್ನಡ.

ಆತ್ಮವಿಶ್ವಾಸವಿರಲಿ,

ಆತ್ಮವಿಶ್ವಾಸವೇ ಶ್ವಾಸವಾಗಿರಲಿ,

ಮನವು ಕುಗ್ಗದಿರಲಿ-ಕೊರಗದಿರಲಿ-ಸುಮ್ಮನೆ ಕೂರದಿರಲಿ,

ಆತ್ಮವಿಶ್ವಾಸದ ಚಿಲುಮೆ ಜ್ವಾಲಾಮುಖಿಯಂತೆ ಚಿಮ್ಮುತಿರಲಿ..

ನೋಡುವವರು ನೋಡಲಿ-ನೋಡಿ ಚುಚ್ಚುಮಾತುಗಳ ಆಡುತಿರಲಿ,

ನಿಮ್ಮಆಟದ ಕಡೆ ಗಮನವಿರಲಿ ಎಲ್ಲಿಯೂ ನಿಲ್ಲದೇ ನಡೆಯುತಿರಲಿ,

ಸೋಲಲಿ-ಸಾವಿರಸಲ ಸೋಲಲಿ-ಆ ಸೋಲೇ ಒಪ್ಪಿಕೊಳ್ಳಲಿ,

ನಿನಗೆ ಶರಣಾಗಿ ಗೆಲುವು ತಂದು ಕೊಡುವ ಮಾತು ನೀಡಲಿ..

ಮುನ್ನುಗ್ಗುವ ಸಾಗರದಲೆಗಳಂತ ಎಡಬಿಡದ ರಭಸವಿರಲಿ,

ನೋವು-ಕಷ್ಟಗಳು,ಅಡೆ-ತಡೆಗಳು ಬರಲಿ-ಅದ್ಯಾವುದಕ್ಕೂ ಹೆದರದಿರಲಿ,

ಸೋಲನುಂಡು ನಜ್ಜುಗುಜ್ಜಾಗಿ ನೆಪ್ಪಿ ನುಚ್ಚುನೂರಾದರೂ ಮನವು ಅಂಜದೇ ಚಂಚಲವಾಗದಿರಲಿ,

ಸಾಗುವ ದಾರಿಯಲಿ ಗುರಿಯೆಡೆಗೆ ಸಾಗುವ ಎಚ್ಚರಿಕೆಯ ಏಕಾಗ್ರತೆಯಿರಲಿ,

ಯಾರನ್ನೂ ನಂಬದಿರಿ-ನಂಬಿ ಮೋಸಹೋಗದಿರಿ -ನಮ್ಮ ಮೇಲೆ ನಮಗೆ ಅಚಲವಾದ ನಂಬಿಕೆಯಿರಲಿ,

ಆತ್ಮವಿಶ್ವಾಸದಿ ನಾವು ನಡೆದದ್ದೆ ದಾರಿಯಾಗಲಿ-ನಮ್ಮನಡಿಗೆ ದಾರಿದೀಪವಾಗಲಿ,

ಆತ್ಮವಿಶ್ವಾಸದ ದಾರಿದೀಪದ ಬೆಳಕಿನಿಂದ ಎಲ್ಲರೂ ನಮ್ಮಂತೆ ಸಾಗುತಿರಲಿ.

- ಶಾಂತಾರಾಮ ಮರಾಠಿ ಶಿರಸಿ, ಉತ್ತರ ಕನ್ನಡ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)