ಮಂಗಳವಾರ, ಸೆಪ್ಟೆಂಬರ್ 20, 2022

ನಾವು 'ಗೇ'ಗಳೇ ಹೀಗೆ (ಕವಿತೆ) - ಗೌತಮ್ ಗೌಡ(ಮಾನಿನಿ)

ಹೌದು ಕಣೋ
ಸುಭಾಸ್
ನಾವು ಗೇ ಗಳೇ
ಹೀಗೆ

ಪ್ರಕೃತಿ ಸಹಜತೆಯಿಂದ
ಹೀಗೆ ಹುಟ್ಟಿದ ನಾವು
ಜಗತ್ತಿನ ಎದುರಿಗೆ ಅಸಹಜರಾಗುತ್ತೇವೆ.
ಜನರ ಅಸಹ್ಯಕ್ಕೆ ಗುರಿಯಾಗುತ್ತೇವೆ.

ಜನಗಳು ಕಟ್ಟುವ 
ಅವಾಚ್ಯ ನಾಮಗಳನ್ನು
ಕೇಳಿಯು ಕೇಳದಂತೆ
ಜೀವಿಸುತ್ತೇವೆ
16ರಲ್ಲಿ ಅಲ್ಲೊಬ್ಬನ
ಕಣ್ಣಿನ ಕಾಂತಿಗೆ ಮೋಹಿತರಾಗಿ
ಪ್ರೀತಿಯ ವಿಷಯ ಮುಟ್ಟಿಸಲು ಹೆಣಗುತ್ತೇವೆ
ಹೇಳಿ ಏಟು ತಿನ್ನುವ ಬದಲು
ಹೇಳದೆ ಇರುವುದೇ ಲೇಸು ಸುಮ್ಮನಾಗುತ್ತೇವೆ

21ರಲ್ಲಿ ಸಿಕ್ಕ ಗೆಳೆಯನನ್ನು
ಶಾಶ್ವತವಾಗಿ ಉಳಿಸಿಕೊಳ್ಳವ
ಸಾಹಸ ನಡೆಸುತ್ತೇವೆ
ಅವನು ಇನ್ಯಾರನ್ನೋ
ಮದುವೆಯಾದಾಗ
ಆತ್ಮ ಹತ್ಯೆಗೆ ಪ್ರಯತ್ನ ನಡೆಸುತ್ತೇವೆ
ಸಾಯುವುದು ಸುಲಭವಲ್ಲ ಎಂದು ತಿಳಿದಾಗ
ಬದುಕಲೊರಡುತ್ತೇವೆ

ಮನೆಯವರ ಬಲವಂತ
ತಾಳಲಾರದೇ
25ರಲ್ಲಿ ಯಾವುದೊ ಹುಡುಗಿಯ
ಮದುವೆಯಾಗಿ ಸತ್ತು ಬದುಕಿದಂತೆ
ಜೀವಿಸುತ್ತೇವೆ

28ರಲ್ಲಿ ಯಾವುದೆ ಅವಕಾಶವಿಲ್ಲದೆ
ಅಂಕಲ್ ಗಳಿಗೆ ದೇಹ ಚಾಚುತ್ತೇವೆ

45ರಲ್ಲಿ ಕಾಮ ಮತ್ತೆ ತೆನೆ ಬಿಟ್ಟಾಗ
ತರುಣನೊಬ್ಬನ ತೊಡೆಯ ಮೇಲೆ ಕೈ ಇಟ್ಟು
ಕಪಾಲ ಮೋಕ್ಷ ಮಾಡಿಸಿಕೊಳ್ಳುತ್ತೇವೆ

ಸಹಜತೆ ಇಂದ ಹೀಗೆ ಹುಟ್ಟಿದರು
ಮನೆ, ಮಾನಕ್ಕಾಗಿ
ಅಸಹಜವಾಗಿ ಬದುಕಿ
ಕೊನೆಗೊಂದು ದಿನ ಇಲ್ಲವಾಗುತ್ತೇವೆ
ಮತ್ತೆ ಮತ್ತೆ ಹುಟ್ಟುತ್ತಾ,, ಇದ್ದು ಇಲ್ಲದಂತೆ
ಜೀವಿಸುತ್ತೇವೆ

ಹೌದು ಕಣೋ
ಸುಭಾಸ್
ನಾವು 'ಗೇ' ಗಳೇ ಹೀಗೆ.

(ಪ್ರಭಾವ ಹಾಗೂ ಅನುಕರಣೆ :ಪ್ರತಿಭಾ ಅವರ ನಾವು ಹುಡುಗಿಯರೇ ಹೀಗೆ ಕವಿತೆ)

-maanini
Gowtham Gowda.

-

1 ಕಾಮೆಂಟ್‌:

ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ: ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)

ಕರ್ನಾಟಕ ರಾಜ್ಯ ಸ್ಪಂದನ ಸಿರಿ ವೇದಿಕೆಯ ವತಿಯಿಂದ ಯಶಸ್ವಿಯಾಗಿ ನಡೆದ ರಾಷ್ಟ್ರೀಯ ವೈದ್ಯ ದಿನಾಚರಣೆ.‌

ದಿನಾಂಕ 1-7 2025, ಬೇಲೂರು:  ಕರ್ನಾಟಕ ರಾಜ್ಯ ಸ್ಪಂದನ ಸಿರಿ ವೇದಿಕೆ ಬೇಲೂರು ಘಟಕದ ವತಿಯಿಂದ ಬೇಲೂರಿನ ವೈಷ್ಣವಗೋಷ್ಠಿಯಲ್ಲಿ ರಾಷ್ಟ್ರೀಯ ವೈದ್ಯರ ದಿನದ ಪ್ರಯುಕ್ತ ಬೇಲೂ...

  • ಅಂತರಾಷ್ಟ್ರೀಯ ಮಹಿಳಾ ದಿನ...
    ಅಂತರಾಷ್ಟ್ರೀಯ ಮಹಿಳಾ ದಿನ... International WOMEN'S Day... ಆತ್ಮೀಯ ಗೆಳತಿ ಅಕ್ಷತಾ  ಸಾಂಸ್ಕೃತಿಕ ನಗರಿ  ಮೈಸೂರಿನ ಜಿಲ್ಲೆಯ ತವರೂರಿನ  ಹೆಣ್ಣು...
  • ಸಂದರ್ಶನ: ಸಾಧಕಿ ಶ್ರೀಮತಿ ಆಶಾಕಿರಣ್‌, ಶಿಕ್ಷಕಿ, ಬೇಲೂರು.
    ಶ್ರೀಮತಿ ಆಶಾಕಿರಣ ಬೇಲೂರು. ಶಿಕ್ಷಕರು, ಬರಹಗಾರರು ಹಾಗೂ ಸಾಮಾಜ ಸೇವಕರು. ಬೇಲೂರು, ಹಾಸನ ಜಿಲ್ಲೆ. ಇವರು ಕರ್ನಾಟಕ ರಾಜ್ಯ ಸ್ಪಂದನ ಸಿರಿ ವೇದಿಕೆಯ 14 ನೇ ವಾರ್ಷಿಕೋತ್ಸವ...
  • ಬಾಲ್ಯದ ಆ ದಿನಗಳು ‌.‌
    ಬಾಲ್ಯದ ಆ ದಿನಗಳು....... ಬೆಳಗಾವಿ ಜಿಲ್ಲೆ ಅಥಣಿ ತಾಲೂಕಿನ ಮೋಳೆ ಗ್ರಾಮ ಹನುಮಾನ ಮಂದಿರ,ಗಣಪತಿ ಮಂದಿರ,ವಿಠಲನರುಕ್ಮಿಣಿ ಮಂದಿರ ,ದುರ್ಗವ್ವ, ಮರುಗವ್ವ ಹೀಗೆ ಹತ್ತು ಹಲವ...