ಪೋಲಿಯ ಬಿರುದು (ಕವಿತೆ) - ವೀರಣ್ಣ ಎಚ್. ಹೂಗಾರ್.

ನಾ ಹೊತ್ತ ಕನಸಿಗೆ ನಿನ್ನ ಪ್ರೀತಿಯಿದೆ

ದೀಪದ ಬೆಳಕಿಗೆ ಸ್ವಲ್ಪ ತಿಳಿಸು

ಸೊಂಟ ಬಳಸುವ ಕೈಗಳಿವೆ

ನಾಚಿ ನಿಂತ ಕಂಗಳಿವೆ

ಅದರುವ ತುಟಿ ಒಣಗಿದೆ

ಮದುವೆ ಆದ ಹೊಸತರದಲ್ಲಿ

"ರೀ" ಎಂಬ ಸ್ವಲ್ಪ ಗೌರವವಿದೆ

ಸರಿರಾತ್ರಿಯಲಿ ಪೋಲಿ ಎಂಬ ಬಿರುದು ಇದೆ

ಸೊಂಟಕೆ ಡಾಬುಬೇಕೆ? 

ಸೆರಗು ಸರಿಸುವ ಕೈಗಳಿವೆ

ಸಾಕೆಂದು ಮುತ್ತು ಕೊಟ್ಟರು

ತುಟಿಗಳು ಸುಸ್ತಾಗಿಲ್ಲ

ನೋಡುವ ನೋಟ ಶಾಂತವಾಗಿಲ್ಲ

ಮಳೆಯಂತೆ ಬೆವರ ಹನಿ

ಚಳಿಯಲಿ ನಡಗುವ ದೇಹದಲ್ಲಿ

ನಾ ಮುಡಿಸಿದ ಮಲ್ಲಿಗೆ ಹೂ ಬಾಡದಿರಲಿ

ಮುಂಜಾನೆಯಿಂದ ರಾತ್ರಿಯವರೆಗೂ

ಕನಸಿನೊಂದಿಗೆ ಚೆಲ್ಲಾಟವಿದೆ

ಕೆಡಿಸದಿರು ಮುತ್ತುಗಳ ಕೊಟ್ಟು

ಅಮಾಯಕ ನಾನಾಗಿರುವೆ

ಮಹಡಿ ಮನೆಗೆಲ್ಲಾ ಗೊತ್ತು

ನಿನ್ನ ಭಾವಚಿತ್ರಗಳ ಭಿತ್ತಿ

ಬಿಟ್ಟ ಬಿಸಿಯುಸಿರಿನ ದೇಹಕೆ

ಅಂಗಳದಲ್ಲಿ ನೆನಪಿನ ಜೊತೆ ನಿಂತಿರುವೆ

ಮಂಗಳ ಸೂತ್ರದ ಕನಸಿನೊಂದಿಗೆ. 

- ವೀರಣ್ಣ ಎಚ್. ಹೂಗಾರ್, ಗದಗ.