ಸಾವಿನ ಸತ್ಯ (ಕವಿತೆ) - ಮಾಲತಿ ಮೇಲ್ಕೋಟೆ.

ಕಣ್ಣು ಮುಚ್ಚಿ ಮಲಗಿಹರು

ಚಿರನಿದ್ರೆಯಲಿ ರಾಯರು

ಸಂತಾಪ ಸೂಚಿಸಿಹರು

ಬಂದ ಜನ ಸಾವಿರಾರು

ದೇವರಂಥ ಮನುಜರಿವರು

ಗುಣಗಾನ ಮಾಡುತಿಹರು

ನಿತ್ಯ ಶಾಪ ಹಾಕುತಿದ್ದವರು

ಮುಖವಾಡದ ಜನರು

ಸರ್ಕಾರದಧಿಕಾರಿ ರಾಯರು

ಲಂಚಕೋರ-- ಬಿರುದಾಂಕಿತರು

ರಸ್ತೆ ಅಪಘಾತದಲಿ ಮಡಿದರು

ಶಿವನ ಪಾದ ಸೇರಿದರು

ಶವಯಾತ್ರೆ ಮುಗಿಸಿದರು

ಜನರಲ್ಲಿ ಗುಸುಗುಸು ಗುಟುರು

ಎಷ್ಟೋ ಕೋಟಿ ಗಳಿಸಿದ್ದರು

ಮಾಡಿದ ಪಾಪಕೆ ಬಲಿಯಾದರು.

- ಮಾಲತಿ ಮೇಲ್ಕೋಟೆ.