ನನ್ನ ಕಂದ (ಭಾವಗೀತೆ) - ಶ್ರೀಮತಿ ಸುಮಂಗಲಾ ಕೃಷ್ಣ ಕೊಪ್ಪರದ, ಇಳಕಲ್.

ಮಗುವೆ ನಿನ್ನ ನಗುವಿನಲ್ಲಿ 

ಗೆಲುವಿನಲೆಯ ಕಂಡೆನಿಲ್ಲಿ 

ಬಸಿರ ಹಸಿರ ಉಡುಗೆಯಲ್ಲಿ 

ಏನಿದು ಹೊಸ ಅನುಭವ... l 

                                 llಪಲ್ಲವಿ ll

ನನ್ನ ಮಡಿಲ ಕುಡಿಯು ನೀನು 

ನಮ್ಮ ಬಾಳಿನ ಬೆಳಕು ನೀನು 

ಗಗನದಿ ಹೊಳೆವ ತಾರೆಯಂತೆ 

ಬೆಳಗು  ನೀನೆಂದೆಂದಿಗೂ...... ಬೆಳಗು

  ನೀನೆಂದೆಂದಿಗೂ.....

                                 ಚರಣ ೧

ನಿನ್ನ ತುಂಟಾಟದಾಟಗಳು 

ನಿನ್ನ ಮುಗ್ಧ ಅಳುವಿನ ಕರೆಯು

ಸೆಳೆಯಿತೆನ್ನನು ನಿನ್ನ ಬಳಿಯಲಿ

ಬಾಚಿತಬ್ಬಿಕೊಳ್ಳಲು.... ಅಪ್ಪಿ ಮುದ್ದಾಡಲು...

                                   ಚರಣ ೨

ನಾಡಿನೊಳಿತಿಗಾಗಿ ಬಾಳು 

ನಾಡಜನರ ಕುವರನಾಗು 

ನಾದಲೋಕದ ಮುರಳಿಯಾಗು 

ನಾರಿದೇವಕಿ ಕಂದ ಕೃಷ್ಣನಂತಾಗು....

                                      ಚರಣ ೩

- ಶ್ರೀಮತಿ ಸುಮಂಗಲಾ ಕೃಷ್ಣ ಕೊಪ್ಪರದ, ಇಳಕಲ್.