ದೀಪಾವಳಿ...

      ದೀಪಾವಳಿ

ಬಂತೋ.. ಬಂತೋ.. ದೀಪಾವಳಿ ಬಂತೋ.. 

ತಂತೋ.. ತಂತೋ.. ಸಡಗರ ತಂತೋ.. 

ಸಿರಿ ತಂದಿತಪ್ಪ ಈ ಬೆಳಕಿನ ಹಬ್ಬ 

ಸಂತಸದ ರೂಪ ಈ ದೀಪಾವಳಿ ಹಬ್ಬ 

ಮನೆಯ ಅಂಗಳದಿ ಬಣ್ಣದ ರಂಗೋಲಿ 

ಮನೆಯ ಬಾಗಿಲು ಮಾವಿನ ತೋರಣ 

ಸಾಲು ಸಾಲು ಹಣತೆಯ ದೀಪ 

ಅಂಗಳ ತುಂಬಿ ಬೆಳಗಿತೇ ದೀಪ 

ಊರ ತುಂಬೇಲ್ಲಾ ಹೊಸತು ನೋಡಾ 

ನಾಡಿನ ಜನದ ಹಿಗ್ಗು ನೋಡಾ 

ಹಬ್ಬದ ಸಿರಿಗೆ ತುಪ್ಪದ ಘಮ ಘಮ 

ಹಸಿರಿನ ಗರಿಗೆ ಸಂಭ್ರಮದ ಸಮ ಸಮ 

ಹರಿಯುವ ನೀರಲ್ಲಿ ತಲೆ ಎಣ್ಣೆ ಸ್ನಾನ 

ನಾರಿಯರ ಮುಡಿ ತುಂಬ ಮಲ್ಲಿಗೆ 

ತರ ತರಹದ ಪಟಾಕಿ 

ಬೆಳಕು ಬೀರಿ ಸಿಡಿಯುತ್ತೆ 

ದೀಪಗಳ ಸಾಲು ಈ ದೀಪಾವಳಿ ಹಬ್ಬ 

ಸಂತಸದ ರೂಪ ಈ ದೀಪಾವಳಿ ಹಬ್ಬ. 

     - ವಿ.ಎಂ.ಎಸ್.ಗೋಪಿ ✍️

  ಲೇಖಕರು, ಸಾಹಿತಿಗಳು 

           ಬೆಂಗಳೂರು.