ತ್ರಿಪದಿಗಳು - ಧ್ಯಾಮ್ ರಾಜ್.ವಾಯ್ಹ್. ಸಿಂದೋಗಿ.

ತ್ರಿಪದಿ

   

ತೆರೆದೆವು ನಾವು ಬಾಗಿಲು

ಶತ್ರು ಒಳಗೆ ಬರಲು

ಕಾರಣ ಹೊಲಸು ಎಂಜಲು//

ಹಾಗೆ ನಕ್ಕು ನಂಜಲು

ಬಿಟ್ಟೇವು ಸ್ವಾಭಿಮಾನ ಸಾಯಲು

ಹೇಡಿ ವೈರಿ ಮೆರೆಯಲು//

ತ್ಯಾಗ ಬಲಿದಾನ ಸೊರಗಲು

ಕಾರಣ ಸ್ವಾರ್ಥ ಹೆಗಲ ಹೇರಲು

ಮರೆತೆವು ಗುಣ ಹಣ ಗಳಿಸಲು//

ಕಾಲ್ ಕಿತ್ತೆ ಧೈರ್ಯ  ಕುಂದಲು

ಕೈ ಹಿಡಿದೆ ಶೌರ್ಯ ತುಳಿಯಲು

ಮನ ಸೋತೆ ಕಾರ್ಯ ಉಳಿಸಲು//

ಕೆಂಪಾದವು ಧರೆ ಮುಗಿಲು

ರಕ್ತದ ವಾಸನೆ ಹರಡಲು

ವೈರಿಯು ಜಯ ಸಾಧಿಸಲು//

ನ್ಯಾಯ ನೀತಿ ಧರ್ಮ ಕಳೆಯಲು

ಎಲ್ಲರು ಕೈಕಟ್ಟಿ ಸುಮ್ಮನೆ ಕುಳಿತಿರಲು

ಮಾಡುವರಾರು ಯೋಚನೆ ಪೀಳಿಗೆ ಬಾಳಲು//

✍️ಧ್ಯಾಮ್ ರಾಜ್.ವಾಯ್ಹ್. ಸಿಂದೋಗಿ, ಸಾ!ಭೈರಾಪೂರ. ತಾ!ಜಿ!!ಕೊಪ್ಪಳ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ : 9448713659 ವಾಟ್ಸಪ್ ಮಾತ್ರ)