ಮಂಗಳವಾರ, ನವೆಂಬರ್ 23, 2021

ನಾ ಕೇಳದ ಹುಟ್ಟಿಗೇಕೆ ಶಿಕ್ಷೆ?? (ಕವಿತೆ) - ಡಿ.ಶಬ್ರಿನಾ ಮಹಮದ್ ಅಲಿ.

ನಾ ಕಣ್ಣುಬಿಡುವ ಮೊದಲೇ
ಹೆತ್ತವರಿಂದ ತಿರಸ್ಕಾರವಂತೆ!
ನಡೆದಾಡುವ ಮೊದಲೇ
ನಾ ಹೊರೆಯಾದೆನಂತೆ!
ಮಾತನಾಡುವ ಮೊದಲೇ
ನಾ ಅಪ್ರಯೋಜಕಿಯಂತೆ!
ಅಕ್ಷರ ಕಲಿಯುವ ಮೊದಲೇ
ನಾ ಅಬಲೆಯಂತೆ!
ನಾ ಕೇಳದ ಹುಟ್ಟಿಗೆ 
ನಮಗೇಕೆ ಇಂಥಾ ಶಿಕ್ಷೆ.?

ಚಾಕರಿಗಾಗಿ ಹೆಣ್ಣಂತೆ
ನೌಕರಿಗಾಗಿ ಗಂಡಂತೆ!
ಕಥೆ ಪುರಾಣಗಳಲಿ 
ಹೆಣ್ಣು ಆದಿಶಕ್ತಿಯಂತೆ!
ನೆಲ ಉತ್ತಿಬಿತ್ತಿದರೂ
ಸಂಸಾರದ ನೊಗ ಹೊತ್ತರೂ
ಭೂಮಿ ಮೇಲಿನ ನಾವು
ಕೇವಲ ಗೃಹಿಣಿಯಂತೆ!
ನಾ ಕೇಳದ ಹುಟ್ಟಿಗೆ 
ನಮಗೇಕೆ ಇಂಥಾ ಶಿಕ್ಷೆ?

ನಮ್ಮ ಹುಟ್ಟನ್ನೆ
ಹಿಯ್ಯಾಳಿಸಿದವರಿಗೆ
ಕಾಮ ನೀಗಿಸಲು
ನಮ್ಮ ದೇಹ ಬೇಕಂತೆ!
ಹಸುಗೂಸದಾರೆನಂತೆ!
ಬಾಲಕಿಯಾದರೆನಂತೆ!
ಹುಚ್ಚಿಯಾದರನೆಂತೆ!
ಒಟ್ಟಿನಲಿ ಹೆಣ್ಣಾದರಾಯಿತಂತೆ!
ನಾ ಕೇಳದ ಹುಟ್ಟಿಗೆ 
ನಮಗೇಕೆ ಇಂಥಾ ಶಿಕ್ಷೆ?

ನಮ್ಮ ನೋವಿನ ಕಂಬನಿ
ಸೀರೆಯ ಸೆರಗು ಬಲ್ಲದು!
ಅಡುಗೆಮನೆಯ ಒಲೆ ಬಲ್ಲದು!
ಬಚ್ಚಲುಮನೆಯ ಗೋಡೆ ಬಲ್ಲದು!
ಮಲಗುವ ದಿಂಬುಗಳು ಬಲ್ಲವು!
ಪಕ್ಕದಲ್ಲಿರುವ ನೀವು ಬಲ್ಲದಾದಿರಿ!
ಇದನ್ನು ನೀವು ನಿಮ್ಮ 
ಗೆಲವು ಎಂದು ಬೀಗುವಿರಿ...!
ನಾ ಕೇಳದ ಹುಟ್ಟಿಗೆ
ನಮಗೇಕೆ ಇಂಥಾ ಶಿಕ್ಷೆ..?
 - ಡಿ.ಶಬ್ರಿನಾ ಮಹಮದ್ ಅಲಿ, ಶಿಕ್ಷಕಿ, ಚಳ್ಳಕೆರೆ, ಚಿತ್ರದುರ್ಗ.


(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)
-

2 ಕಾಮೆಂಟ್‌ಗಳು:

ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ: ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)

ಕರ್ನಾಟಕ ರಾಜ್ಯ ಸ್ಪಂದನ ಸಿರಿ ವೇದಿಕೆಯ ವತಿಯಿಂದ ಯಶಸ್ವಿಯಾಗಿ ನಡೆದ ರಾಷ್ಟ್ರೀಯ ವೈದ್ಯ ದಿನಾಚರಣೆ.‌

ದಿನಾಂಕ 1-7 2025, ಬೇಲೂರು:  ಕರ್ನಾಟಕ ರಾಜ್ಯ ಸ್ಪಂದನ ಸಿರಿ ವೇದಿಕೆ ಬೇಲೂರು ಘಟಕದ ವತಿಯಿಂದ ಬೇಲೂರಿನ ವೈಷ್ಣವಗೋಷ್ಠಿಯಲ್ಲಿ ರಾಷ್ಟ್ರೀಯ ವೈದ್ಯರ ದಿನದ ಪ್ರಯುಕ್ತ ಬೇಲೂ...

  • ಅಂತರಾಷ್ಟ್ರೀಯ ಮಹಿಳಾ ದಿನ...
    ಅಂತರಾಷ್ಟ್ರೀಯ ಮಹಿಳಾ ದಿನ... International WOMEN'S Day... ಆತ್ಮೀಯ ಗೆಳತಿ ಅಕ್ಷತಾ  ಸಾಂಸ್ಕೃತಿಕ ನಗರಿ  ಮೈಸೂರಿನ ಜಿಲ್ಲೆಯ ತವರೂರಿನ  ಹೆಣ್ಣು...
  • ಸಂದರ್ಶನ: ಸಾಧಕಿ ಶ್ರೀಮತಿ ಆಶಾಕಿರಣ್‌, ಶಿಕ್ಷಕಿ, ಬೇಲೂರು.
    ಶ್ರೀಮತಿ ಆಶಾಕಿರಣ ಬೇಲೂರು. ಶಿಕ್ಷಕರು, ಬರಹಗಾರರು ಹಾಗೂ ಸಾಮಾಜ ಸೇವಕರು. ಬೇಲೂರು, ಹಾಸನ ಜಿಲ್ಲೆ. ಇವರು ಕರ್ನಾಟಕ ರಾಜ್ಯ ಸ್ಪಂದನ ಸಿರಿ ವೇದಿಕೆಯ 14 ನೇ ವಾರ್ಷಿಕೋತ್ಸವ...
  • ಬಾಲ್ಯದ ಆ ದಿನಗಳು ‌.‌
    ಬಾಲ್ಯದ ಆ ದಿನಗಳು....... ಬೆಳಗಾವಿ ಜಿಲ್ಲೆ ಅಥಣಿ ತಾಲೂಕಿನ ಮೋಳೆ ಗ್ರಾಮ ಹನುಮಾನ ಮಂದಿರ,ಗಣಪತಿ ಮಂದಿರ,ವಿಠಲನರುಕ್ಮಿಣಿ ಮಂದಿರ ,ದುರ್ಗವ್ವ, ಮರುಗವ್ವ ಹೀಗೆ ಹತ್ತು ಹಲವ...