ಕನಸುಗಳ ಕೂಡಿಟ್ಟ ಪುಟ್ಟ ಅರಮನೆ ಚೂರಾಗಿ ಹೋಗಿದೆ,
ಜೊತೆ ಸೇರಿ ಬೆಳೆಸಿದ ಗಿಡವೀಗ ಕೊಡಲಿಗೆ ಬಲಿಯಾಗಿ ಹೋಗಿದೆ/
ನಾವು ನಡೆದ ಹಾದಿಯಲಿ,
ಮುಳ್ಳು ಪೊದೆಗಳು ತುಂಬಿವೆ/
ನಂಬಿ ಕೈ ಮುಗಿದ ಹುತ್ತವೂ ಮರೆಯಾಗಿ ಹೋಗಿದೆ,
ಅಡುಗೆ ಮನೆಯಲಿ ನಿನ್ನ ಕೈ ಬಳೆಯ ಸದ್ದಿಲ್ಲ/
ಪ್ರೀತಿಯ ಮಾತೆಲ್ಲ ಜೇಡರ ಬಲೆಯಲಿ ಬಂಧಿಯಾಗಿ ಹೋಗಿದೆ/
ನಾವಿಬ್ಬರು ನೆಟ್ಟಿದ್ದ ಬಳ್ಳಿಯ ತುಂಬಾ ಮಲ್ಲಿಗೆ ಅರಳಿದೆ,
ನಿನ್ನ ಗೋರಿಯ ಮೇಲೆ ಬಿದ್ದ ಹೂವು ಒಣಗಿ ಹೋಗಿದೆ/
ನಾ ಕೂಡಿಟ್ಟ ಹಣದಿ ನಿನಗಾಗಿ ತಂದ ಉರುಗೋಲು ಮುರಿದಿದೆ/
ನಮ್ಮ ಮಕ್ಕಳು ಮರೆತು ಹೋದ ಹಳೆಯ ಫೋಟೋ ಅನಾಥವಾಗಿ ಹೋಗಿದೆ/
ನೀನೋ ಪುಣ್ಯವತಿ 'ಗುಬ್ಬಚ್ಚಿ'ಯಂತೆ ನನ್ನೆದೆಯ ಮೇಲೆ ಚಿರನಿದ್ರೆಗೆ ಜಾರಿದೆ/
ನಾ ನಿನ್ನ ನೆನಪುಗಳ ಮೂಟೆಯೊಂದಿಗೆ ಆಶ್ರಮ ಸೇರಿ ವರುಷಗಳಾಗಿ ಹೋಗಿದೆ/
- ಸುಪ್ರೀತಾ ಶೆಟ್ಟಿ (ಗುಬ್ಬಚ್ಚಿ) ಮುಳ್ಳುಗುಡ್ಡೆ ,ಕುಂದಾಪುರ.
(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ