ಮಳೆಬಿಲ್ಲೆ ಮಳೆಬಿಲ್ಲೆ (ಕವಿತೆ) - ಮಧುಮಾಲತಿ ರುದ್ರೇಶ್ ಬೇಲೂರು.

ಮಳೆಬಿಲ್ಲೆ ಮಳೆಬಿಲ್ಲೆ ತುಸು ನಿಲ್ಲೇ ಅಲ್ಲೇ ˌˌˌ

ನಿನ್ನೀ ಗೆಳತಿಯ ಪಿಸುಮಾತನೊಮ್ಮೆ ಕೇಳಿಸಿಕೊಳ್ಳೆˌˌˌ

 ಸಪ್ತ ವರ್ಣಗಳೆ ಮೈದುಂಬಿದ ಕಾಮನಬಿಲ್ಲೆˌˌˌ

ಬಣ್ಣಗಳ ರಂಗೋಲಿಯೇ ಅಡಗಿದೆ ನಿನ್ನಂದದಲ್ಲೆˌˌˌ

 ಭುವಿಗೂ ಮುಗಿಲಿಗೂ ನೀ ಏಣಿಯಾದೆ ˌˌˌ

ಧರೆಯಿಂದ ಸ್ವರ್ಗಕೆ ನೀ ಸೇತುವೆಯಾದೆˌˌˌ

 ನವಿರಾದ ಪ್ರೇಮಪಲ್ಲವಕೆ ನೀ ಸ್ಪೂರ್ತಿಯಾದೆˌˌˌˌ

ಮನವನರಿತ ಗೆಳತಿಯ ದನಿಗೆ  ಗೀತೆಯಾದೆˌˌˌ

 ಇನಿಯನಾಗಮನಕೆ ಕಾದಿಹ ನಲ್ಲೆಯ ಮೊಗದಿˌˌˌ

 ಸ್ಫುರಿಸಿದೆ ನೀ ಪ್ರೇಮ ಕಳೆಯ ಹರುಷದಿ ˌˌˌˌ

ಮುಗಿಲಲಿ ಅರಳಿದ ಒಲವಿನ ಚಿತ್ತಾರವೇ ನೀನು ˌˌˌ

ಭುವಿಗೂ ತುಸು ಹರಿಸು ನಿನ್ನೊಲವಿನ ರಂಗನು ˌˌˌ

ಯಾವ ಕಲೆಗಾರನ ಕುಂಚದಲ್ಲರಳಿದ ರಂಗವಲ್ಲಿˌˌˌ

 ಮೂಡಿದೆ ನಿನ್ನೆಡೆಗೆ ಹಾರುವಾಸೆ ಮನದಲ್ಲಿˌˌˌ

- ಮಧುಮಾಲತಿ ರುದ್ರೇಶ್, ಬೇಲೂರು. 

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)