ಖಾಲಿ ಕಾಗದ ; ಪುಟ ತುಂಬಿಸುವ ಹಠ (ಗದ್ಯ ಕವಿತೆ) - ಶಾಂತಾರಾಮ ಶಿರಸಿ.

ನೋಡಲು ಬರಿಯ ಖಾಲಿ ಕಾಗದ,

ಖಾಲಿ ಕಾಗದ ಪುಟ ತುಂಬಿಸುವ ಹಠ ಇರಬೇಕು ಸದಾ,

ಮನಸಿನ ಭಾವನೆಗಳನು/ಕಲ್ಪನೆಗಳನು ಬರಹ ರೂಪಕ್ಕಿಳಿಸುವುದ,

ಖಾಲಿ ಕಾಗದದ ಮೇಲೆ ಮುತ್ತುಗಳಂತೆ ಅಕ್ಷರಗಳನು ಪೋಣಿಸುವುದ,

ಚಿತ್ರಗಳ ಗೀಚುವುದ-ರಂಗುರಂಗಿನ ಬಣ್ಣಗಳ ತುಂಬಿಸುವುದ,

ಅಕ್ಷರಗಳ ಪೋಣಿಸಿದರೆ-ರಂಗಿನ ಬಣ್ಣಗಳ ತುಂಬಿಸಿದರೆ  ಹೆಚ್ಚಾಗುವುದು ಕಾಗದದ ಅಂದ,

ಅದ ನೋಡಿದರೆ ಈ ಮನಸಿಗೆ ಉಲ್ಲಾಸ -ಹೊಸ ಸ್ಪೂರ್ತಿ ಆನಂದ...

ಬದುಕೂ ಸಹ ಖಾಲಿ ಕಾಗದ,

ತುಂಬಿಸಬೇಕು ಯೋಚನೆಯ ದುಡಿಮೆಯಿಂದ,

ಮನಸುಗಳ ಬೆಸುಗೆಯ ಪ್ರೀತಿಯಿಂದ,

ಕಷ್ಟವಾದರೂ ಇಷ್ಟಪಟ್ಟು ಬದುಕೆಂಬ ಕಾಗದದ ಮೇಲೆ ಭರವಸೆ-ನಂಬಿಕೆಗಳನು ಧೈರ್ಯದಿಂದ ಗಟ್ಟಿಯಾಗಿ ಅಚ್ಚಾಗಿ ಗೀಚಬೇಕು,

ನೋವು,ದು:ಖ,ನಿರಾಸೆಗಳ ಅಳಿಸಬೇಕು,

ನಗುವು ತುಂಬಿ ನಲಿಯುತಿರಬೇಕು

ಸೋಲುಗಳ ಸುಧಾರಿಸಿ ಗೆಲುವಿನ ಗುರಿಯ ತಲುಪಬೇಕು,

ನಲಿವು,ಸು:ಖ,ಪ್ರೀತಿ-ಮಮತೆ,ಸಂತೋಷ,ನೆಮ್ಮದಿ ತುಂಬಿದ ಕಾಗದದ ಮೇಲಿನ ರಂಗು-ರಂಗಿನ ಚಿತ್ತಾರದ ಮುತ್ತಿನಂತೆ ಪೋಣಿಸಿರುವ ಹೊಳೆಯುವ  ಅಕ್ಷರಗಳಂತೆ ಬದುಕಬೇಕು,

ಈ ಬದುಕು ಇತರರಿಗೆ ಮಾದರಿಯಾಗಬೇಕು- ಸ್ಪೂರ್ತಿ ತುಂಬಬೇಕು...

- ಶಾಂತಾರಾಮ ಶಿರಸಿ,

ಉತ್ತರ ಕನ್ನಡ.

8762110543

7676106237

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)