ನಿನಗಿರುವ ಭಾಗ್ಯ
ಎನಗಿಲ್ಲ ಪುರುಷ!
ತಾಯಿಗರ್ಭದಿ ತಿರುಗಿದ
ಹಚ್ಚಹಸಿರು ತುಂಬಿದ
ಹೊಲ ಗದ್ದೆಗಳು!
ದೇಕಿ ತೆವಳಿದ
ಕಟ್ಟೆ ಅಂಗಳಗಳು!
ಎಗರಿ ಕುಣಿದ
ಬಾಲ್ಯದಾಟಗಳು!
ನಾಚಿ ನಲಿದ
ಯೌವನದ ಮಜಲುಗಳು!
ಊರುಗೋಲಿನ
ವೃದ್ಧಾಪ್ಯದ ದಿನಗಳು
ಎಲ್ಲವು ನಿನ್ನೂರಲ್ಲಿಯೇ!
ನನ್ನದೋ....ನನ್ನದೋ
ಅಲೆಮಾರಿ ಜೀವನ!
ತುತ್ತನಿಟ್ಟ ಹೆತ್ತವರು
ಹೊತ್ತುತಿರುಗಿದ
ಒಡಹುಟ್ಟಿದವರು
ಗಲ್ಲಿಯಲೆಲ್ಲರೊಂದಾಗಿ
ಕುಣಿದು ಕುಪ್ಪಳಿಸಿದ
ಗೆಳಯ ಗೆಳತಿಯರು
ಇರುವ ಊರನು
ತೊರಿಬೇಕು ನಿನ ನಂಬಿ!
ಉಳಿದರ್ಧ ಜೀವನ
ನಾ ಕಾಣದ,ನನ್ನದಲ್ಲದ
ನಿನ್ನೂರಲ್ಲಿ!!!!!!
ಮೂಕಮನದ ನನ್ನ
ವೇದನೆ ಯಾರಿಗೆ ಹೇಳಲಿ?
ಸುಖವ ನೀಡುವ
ತನುವನಷ್ಟೆ ಬಯಸಿ
ಪೀಡಿಸಿ,ಮೋಹಿಸಿ
ಮುದ್ದಿಸುವ ನಿನಗೋ!
ಆ ಕ್ಷಣದ ಮಮತೆ ತೋರಿ
ನಿತ್ಯ ಚಾಕರಿ ಮಾಡಿಸುವ
ಕುಟುಂಬದ ಇತರರಿಗೋ!
ತೊರೆದುಬಂದ ಎನ್ನ
ಹಾಲುಂಡತವರಿಗೋ!
ದಾರಿ ತೋಚದಾಗಿದೆ !
ನಿನಗಿರುವ ಭಾಗ್ಯ
ಎನಗಿಲ್ಲ ಪುರುಷ!
- ಡಿ. ಶಬ್ರಿನಾ ಮಹಮದ್ ಅಲಿ.
ಶಿಕ್ಷಕಿ,ಚಳ್ಳಕೆರೆ, ಚಿತ್ರದುರ್ಗ ಜಿಲ್ಲೆ.
(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)
ಚೆನ್ನಾಗಿದೆ ಮೇಡಂ ಕವನ. ಭಾವಪೂರ್ಣ..
ಪ್ರತ್ಯುತ್ತರಅಳಿಸಿತುಂಬು ಹೃದಯದ ಧನ್ಯವಾದಗಳು
ಅಳಿಸಿಚೆನ್ನಾಗಿದೆ...
ಪ್ರತ್ಯುತ್ತರಅಳಿಸಿತುಂಬು ಹೃದಯದ ಧನ್ಯವಾದಗಳು ಮೇಡಂ/ಸರ್
ಅಳಿಸಿಹೆಣ್ಣಾದವಳು ತವರನ್ನು ಬಿಟ್ಟು ಪತಿಯ ಗೃಹ, ಊರನ್ನು ಸೇರಿದರೂ ಆಕೆಯ ಮನದಲ್ಲಿ ತನ್ನ ತವರು, ತವರೂರ ನೆನಪು,ಬಾಲ್ಯ ಹೀಗೆ ಎಲ್ಲಾ ಮಜಲುಗಳ ವರ್ಣನೆ ಸೊಗಸಾಗಿದೆ.
ಪ್ರತ್ಯುತ್ತರಅಳಿಸಿತುಂಬು ಹೃದಯದ ಧನ್ಯವಾದಗಳು
ಅಳಿಸಿತುಂಬಾ ಚೆನ್ನಾಗಿದೆ ನಿಮ್ಮ ಅಂತರಾಳದ ನಿವೇದನೆ.... ಆದರೆ ಕೆಲವು ವಿಚಾರಗಳಲ್ಲಿ ಪುರುಷನಿಗೂ ಹಾಗೇ ಭಾಸವಾಗುತ್ತದೆ...
ಪ್ರತ್ಯುತ್ತರಅಳಿಸಿಧನ್ಯವಾದಗಳು ಸರ್..ನಿಮ್ಮ(ಪುರುಷರ) ನಿವೇದನೆಯ ಕವನ ಬರೆಯಿರಿ ಸರ್...ನಿಮ್ಮ ನೋವು ಏನೆಂದು ನಾವು ತಿಳಿಯೋಣ
ಅಳಿಸಿಅರ್ಥಪೂರ್ಣವಾಗಿದೆ ಮೇಡಂ
ಪ್ರತ್ಯುತ್ತರಅಳಿಸಿತುಂಬು ಹೃದಯದ ಧನ್ಯವಾದಗಳು
ಅಳಿಸಿನೈಸ್ ಗೆಳತಿ
ಪ್ರತ್ಯುತ್ತರಅಳಿಸಿತುಂಬು ಹೃದಯದ ಧನ್ಯವಾದಗಳು ಶಿವಲೀಲಾ ಮೇಡಂ
ಅಳಿಸಿಬೇಡ ಬಿಡಿ... ನೀವು ನಿಮ್ಮೂರಲ್ಲಿರಿ, ಅವನು ಅವನೂರಲ್ಲಿ ಆಗ!.!?
ಪ್ರತ್ಯುತ್ತರಅಳಿಸಿಓ ನಲ್ಲೆ.. ನೀನಲ್ಲೆ..ನಾನಿಲ್ಲೆ..
ನಾನು ನೀನು.. ಅಲ್ಲಲ್ಲೇ..
ತಿನ್ನು ಜಲ್ಲೆ... ಕಾಯಿಪಲ್ಯೆ. ... ಓಕೆ ನಾ... 😆👍🤝🌷
ತಮ್ಮ ಮನದ ಪ್ರತಿಕ್ರಿಯೆಗೆ ಧನ್ಯವಾದಗಳು ಸರ್...
ಅಳಿಸಿಸೂಪರ್ ಮೇಡಂ
ಪ್ರತ್ಯುತ್ತರಅಳಿಸಿತುಂಬು ಹೃದಯದ ಧನ್ಯವಾದಗಳು
ಅಳಿಸಿತುಂಬಾ ಚೆನ್ನಾಗಿದೆ ಬರೆದಿದ್ದೀರಾ ಮೇಡಂ.ನಿಮ್ಮ ಕವನ ಹೆಣ್ಣಿನ ತವರು ಮನೆಯಲ್ಲಿನ ಬಾಲ್ಯ ಮತ್ತು ಸಹಜ ಅನುಭವಗಳನ್ನು ತೋರಿಸುತ್ತದೆ .🌹🌹🌷🌷👍👍👍
ಪ್ರತ್ಯುತ್ತರಅಳಿಸಿತಮ್ಮ ಮೆಚ್ಚುಗೆಗೆ ತುಂಬು ಹೃದಯದ ಧನ್ಯವಾದಗಳು ಮೇಡಂ/ಸರ್
ಪ್ರತ್ಯುತ್ತರಅಳಿಸಿಉತ್ತಮ ಭಾವ ಹೊದ್ದ ಕವಿತೆ ಮೇಡಂ
ಪ್ರತ್ಯುತ್ತರಅಳಿಸಿತುಂಬು ಹೃದಯದ ಧನ್ಯವಾದಗಳು ಯೋಗೇಂದ್ರ ಸರ್.....
ಅಳಿಸಿಲೇಖಕರು ಈ ಕಾಮೆಂಟ್ ಅನ್ನು ತೆಗೆದು ಹಾಕಿದ್ದಾರೆ.
ಪ್ರತ್ಯುತ್ತರಅಳಿಸಿಹೆಣ್ಣಿನ ಅಸಹಾಯಕತೆ ಎದ್ದು ಕಾಣುತಿದೆ, ಆದರೂ ಚನ್ನ ಹೆಣ್ಣಿನ ಪರಿಪೂರ್ಣ ಜೀವನ 👌👏👏👏👏
ಪ್ರತ್ಯುತ್ತರಅಳಿಸಿ