ಬೇವು ಬೆಲ್ಲವ ಸಮಾನವಾಗಿ ಸವಿಯುತ
ಕಷ್ಟ ಸುಖವ ಎದುರಿಸುವ ಶಕ್ತಿ ನೀಡಲುತಲಿ
ದುಃಖವ ಮರೆಯಲು ಶಕ್ತಿಯ ನೀಡುತಲಿ
ಛಲದಿ ಬಾಳಲು ದೇವನು ಆಶೀರ್ವದಿಸುತಲಿ//1//
ಹಿಂದೂಗಳ ಹೊಸ ವರ್ಷವೂ ಇದು
ಹೊಸ ಚಿಗುರಿನ ಅಂದದ ಗರಿಮೆಯಿದು
ಎಲ್ಲಡೆಯೂ ಸಂಭ್ರಮದಿ ಆಚರಿಸುತಲಿ
ಒಬ್ಬರಿಗೊಬ್ಬರು ಶುಭ ಕೋರುತಲಿ//2//
ಮುಂಜಾನೆಯಲಿ ಮೈತುಂಬ ಎಣ್ಣೆಹಚ್ಚುತಲಿ
ಬಿಸಿ ನೀರಿನ ಜಳಕವ ಮಾಡಿ ಶುದ್ಧರಾಗುತಲಿ
ಪೂಜೆಯ ಮಾಡುತ ದೇವನ ಸ್ಮರಿಸುತ
ಎಲ್ಲಡೆಯು ಸಂಭ್ರಮದಿ ಒಂದುಗೂಡಿ ಆಚರಿಸುತ//3//
ವಿಧವಿಧವಾದ ಭಕ್ಷ ಭೋಜನವನು ಮಾಡುತಲಿ
ಸುಂದರ ವಾತಾವರಣದಲ್ಲಿ ಒಟ್ಟಾಗಿ ಸೇರುತಲಿ
ಎಲ್ಲರೂ ಹೊಸ ಉಡುಪನ್ನು ಧರಿಸುತಲಿ
ಹೊಸತನದ ಯುಗಾದಿಯನ್ನು ಆಹ್ವಾನಿಸುತಲಿ//4//
ಹಳೆಯ ಕಹಿಗಳನ್ನೆಲ್ಲ ಮರೆಯುತಲಿ ಎಲ್ಲ
ಹೊಸತನದ ಸಿಹಿಯನ್ನು ಬಯಸುತಲಿ ಮೆಲ್ಲ
ಎಲ್ಲರೂ ಒಂದುಗೂಡುತಲಿ ಚಂದದಲಿ
ಸಂತಸದಿ ಬಾಳೋಣ ಆನಂದದಲಿ//5//
- ಶ್ರೀಮತಿ ಹೆಚ್. ಎಸ್. ಪ್ರತಿಮಾ, ಹಾಸನ್, ಸಾಹಿತಿ. ಶಿಕ್ಷಕಿ. ಹಾಸನ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ