ಭೂಒಡಲ ಹಸಿರು‌(ಕವಿತೆ) - ಶಿವಾ ಮದಭಾಂವಿ.

ಬಂತು ಬಂತು ಯುಗಾದಿಯು

ಸಿರಿವನಗಳ ಸಂಭ್ರಮವು

ಹಳೆಬೇರುಗಳ ಜೊತೆಗೆ

ಹೊಸ ಚಿಗುರುಗಳ ಬೆಸುಗೆಯು

ತಿಳಿಸುವವು ಜೀವನದ ಪರಿಯ

ಮಾವು ಬೇವುಗಳು ಮನುಜ ನೀ ತಿಳಿಯ

ಕಹಿ ಸಿಹಿಗಳು ನೂರೆಂಟು

ಬೆರೆತು ಬಾಳು ನೀ ಸ್ವರ್ಗವುಂಟು

ಹೊಸ ವರುಷದ ಹೊಸ ಭಾವಗಳ ಜೊತೆ

ಮರೆಯುತಾ ಸಾಗೋಣ ಕಹಿಗಳ ವ್ಯಥೆ

 ಪ್ರಕೃತಿಯ  ಹಸಿರು ಹಾಸುಹೊಕ್ಕಾಗಿ

ತಿಳಿಯೊ ಮನುಜ ಜೀವನವ ಚೊಕ್ಕಾಗಿ

ವರ್ಷಕ್ಕೊಮ್ಮೆ ಪ್ರಕೃತಿಗಳ  ಚೈತ್ರಶಾಲೆ

ಭೂಒಡಲೆಲ್ಲ ಹಸಿರು ಹಸಿರಿನ ಮಾಲೆ

- ಶಿವಾ ಮದಭಾಂವಿ,

ಗೋಕಾಕ.

# 8951894526