ನೀ ಮಾಡಿದ ಕರೆ.. (ಕವಿತೆ) - ಮೈಲಾರಿ.ಹೆಚ್.ಹೆಚ್.

ಅದೆಷ್ಟು ಧನ್ಯವಾದ

ಹೇಳಲಿ ನೀ ಮಾಡಿದ

ಆ ಒಂದು ಕರೆಗೆ

ಅವಾಗ ಅನಿರೀಕ್ಷಿತವಾದ ಕರೆ

ಇಂದು ನಿರೀಕ್ಷೆ ಇಡುವಂತೆ ಮಾಡಿದೆ

ಮಧುರ ಮನಗಳೆರಡು

ಸೋದರ ಬಂದಿಗಳಾಗಿ

ನಲಿದಾಡಿವೆ

ಬಾಂಧವ್ಯದ ಎಲ್ಲೆ

ಮೀರಿ ಬೆಳೆದು

ನಿಂತಿವೆ

ಪಿಸು ಮಾತುಗಳು

ತುಸು ನಾಚಿವೆ

ತುಂಟ ಪದಗಳಿಗೆ

ಸವಿ ನೆನಪುಗಳು

ಸಿಹಿ ನೀಡಿವೆ

ಕೊಂಚ ಭಾವಗಳಿಗೆ

ಅದಾವ ಘಳಿಗೆಯಲಿ ನೀ

ಕರೆ ಮಾಡಿದ್ದೋ ನಾ ಕಾಣೆ 

ಇಂದು ಆತ್ಮೀಯಳಾಗಿ

ನೆಲೆಸಿರುವೆ ನನ್ನಾಣೆ

ಮಸ್ತಕದಲ್ಲಿ ಇಡಿಸ

- ಲಾಗದ ಪದಗಳನು

ಪುಸ್ತಕದಲ್ಲಿ ಗೀಚಿರುವೆ

ನಗೆ ಸಾಲುಗಳನು...

-  ಮೈಲಾರಿ.ಹೆಚ್.ಹೆಚ್ (ವಿಸ್ಮಯ).