ಪೀನ ನಿಮ್ನಗಳ ನಡುವೆ
ಗೋಚರ ಅಗೋಚರಗಳ
ಅನುಭವದ ಅನುಭಾವವಿದೆ.
ಕಣ್ಣ ಕನಸುಗಳೆಲ್ಲ
ಬಣ್ಣದ ಬದುಕಿನ
ಕೊನೆ ಮೊದಲಿನ ನಡುವೆ
ಸುಳಿದು ಸೆಳೆಯುತ್ತಿದೆ.
ಬದುಕಿನ ಬಯಲು
ಬಯಲಿನ ಬದುಕು
ಚಿತ್ತ ಚೇತನಗಳ ಒಳಗೆ
ಪುಳಕಿಸಿ ಕಲಕುತ್ತಿದೆ.
ನೆನ್ನೆ ನಾಳೆಗಳ ನಿಮ್ನ ಪೀನಗಳ
ಕೋನ ಮಾಪನದ ನಡುವೆ
ಬುದ್ಧಿ ಭಾವಗಳ ವಿದ್ಯುದಾಲಿಂಗನಕೆ
ತನು ಮನವನು ಅಣಿಗೊಳಿಸಿದೆ.
ಕಳೆದು ಹೋಗುವ ಈ ಗಳಿಗೆ
ಸೆಳೆಯಲು ಎಂದೇ ಇರುವ ಬಯಕೆ
ಪೀನ ನಿಮ್ನಗಳ ಸಂಗಮ ಬಿಂದುವಿಗೆ
ಸದಾ ಹಂಬಲಿಸಿದೆ.
- ಪ್ರಭುಕುಮಾರ ಪಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ