ಪರಿಸರ (ಕವಿತೆ) - ಕು. ಜ್ಯೋತಿ ಆನಂದ ಚಂದುಕರ.

ಬೇಕೆಂದಾಗ ಮುನಿಸು ತೋರಿ

 ಬೇಡವೆಂದಾಗ ಸುಮ್ಮನೆ ಸುರಿದು

 ಕಾಡುವ ಈ ಮಳೆ ಏಕೆ ಹೀಗೆ ?

 ಪ್ರಕೃತಿಯ ಮರ್ಮವೇ ಹಾಗೆ...

 ಬೇಡದ ಬಯಕೆಗಳ ಹೊತ್ತು

 ಮರಗಳ ಮಾರಣಹೋಮ ಮಾಡಿ 

 ಕಾಡು ಕಡಿದು ನಾಡು ಕಟ್ಟುವ

 ಆಣೆಕಟ್ಟು ಕಟ್ಟಿ ನೀರಿಂಗಿಸುವ

 ಈ ಮನುಜನೇಕೆ ಹೀಗೆ ?

 ಹೇ ಮಾನವ

 ಏಕಾಗುತ್ತಿರುವೆ ದಾನವ

 ತರುವಾಯದ ಪೀಳಿಗೆಗೆ 

 ಕೊಂಚವಾದರೂ

 ಉಳಿಸು ಈ ನಿಸರ್ಗವ...

 ಸವಿ ಪ್ರಕೃತಿಯ ಸೌಂದರ್ಯವ

 ತೋರಿಸಬೇಡ ಸ್ವಾರ್ಥವ

 ನೀ ಬದುಕಲಾದರೂ

 ಬದುಕಿಸಬೇಕಲ್ಲ ಈ ಪರಿಸರವ ?

ನಿತ್ಯ ನಿರ್ಮಲವಾಗಿ

ನಾವು ಉಸಿರಾಡಲು ಬೇಕು ಪ್ರಕೃತಿ.

ಇಂದಾದರೂ ಒಂದು ಗಿಡ ನೆಟ್ಟರೆ, ಬದಲಾದಿತು ಮುಂದಿನ ಪೀಳಿಗೆಯ ಆಕೃತಿ.

- ಕು. ಜ್ಯೋತಿ ಆನಂದ ಚಂದುಕರ, ಬಾಗಲಕೋಟೆ.