ಕರಕುಶಲ ಕಲೆಯಿಂದ,
ಮಜಬೂತು ಕಟ್ಟಿಗೆಯ ಕಂಬ ತೊಲೆಗಳಿಂದ ಅಲಂಕೃತ
ಮನೆಯ ಮಕ್ಕಳು, ಸೊಸೆಯರು/
*ದೀಪಾವಳಿ* ಎಂದು ಸಂಭ್ರಮದಿ ಸೇರಿಹರು ಅಕ್ಕರೆಯಲಿ ಸುಳಿದಾಡಿ ನಗುವ ತುಂಬುವರು/
ಮನೆ ತುಂಬ ಇರುವ ಹಿರಿಯರು,ಮಕ್ಕಳಿಗೆ ಬಗೆ ಬಗೆಯ ಅಡುಗೆ ಮಾಡಿಹರು/
ಸಹಕಾರ -ಸೌಹಾದ೯ತೆಯಲಿ ಕೆಲಸ ಪೂರೈಸಿ, ತುಸು ಬಿಡುವ ಕಂಡಿಹರು/
ಊಟಕ್ಕೆ ಬರಲಿರುವ ಹಿರಿಯರು,ಮಕ್ಕಳಿಗೆ ಕಾದಿಹರು/
ಕೆಲಸದ ಆಯಾಸ ಇನಿತೂ ತೋರದು, ಮೊಬೈಲ್ ಫೋಟೋದ ಹುಮ್ಮಸ್ಸು ಉಕ್ಕಿಹುದು/
ಚಂದಾಗಿ ಇಣಕಲ್ ಸೀರೆ -ತಕ್ಕ ಆಭರಣ ತೊಟ್ಟು,
ಒತ್ತಾಗಿ ಕೂತಿಹರು,ಸಂತೃಪ್ತಿಯ ನಗೆ ಬೆಳದಿಂಗಳು ಚೆಲ್ಲಿಹುದು/
ಹೆಂಗಳೆಯರೇ ಹಾಗೆ, ಹನಿ ನೀರಿಗೆ ಅರಳಿ ನಗುವ ಪ್ರಕೃತಿಯಂತೆ/
ಫೋಟೋ ಆಯಿತು;
ಮನೆ ಮಂದಿಗೆಲ್ಲ ಉಣಲಿಕ್ಕಿ, ಉಂಡು ಮಲಗಿ ಎದ್ದರೆ ನಿಶ್ಚಿಂತೆ/
ಮನೆ ಹಿರಿಯರ ಆದರ, ಯಜಮಾನರ ಪ್ರೀತಿ ಇರಲು, ಇರುವ ಮನೆಯೇ ಅರಮನೆಯಂತೆ,
ಇರದು ಅಲ್ಲಿ ಯಾವುದೇ ಚಿಂತೆ/
- ಕಮಲಾಭಿತನಯೆ
ಶ್ರೀಮತಿ ರೇಖಾ ನಾಡಿಗೇರ ಹುಬ್ಬಳ್ಳಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ