ಪ್ರೀತಿಯ ಅರಂಭ(ಕವಿತೆ) - ಆದರ್ಶ್ ಪಟೇಲ್, ಚಿಕ್ಕಮಗಳೂರು.

ಆರಂಭವೇ ನಿನ್ನಿಂದ ಈ ಪ್ರೀತಿಗೆ

ನಿನ್ನ ಕಂಡೊಡನೆ ನೂರಾರು ಕನಸುಗಳ ಹೆಣೆದೆ

ಹೇಳದೆ ಬಂದ ಒಲವನು ನಾ ಹೇಗೆ ಬೇಡವೆನ್ನಲೆ 

ಕನ್ನಡಿಯ ಮುಂದೆ ನಿಂತು ಕಣ್ಣು ಹೊಡೆಯೋದನ್ನು

 ನಿನಗಾಗಿ ಕಲಿತಿರುವೇನು

ಕನಸಿನ ಕಂಗಳಿಗೂ ನಿನ್ನದೇ ಅಲೆ 

ಈ ಉಸಿರಿಗೆ ಅನಿವಾರ್ಯ ನಿನ್ನದೇ ಪ್ರದಕ್ಷಿಣೆ

ಸ್ಮರಣೆಯ ಮಾಡುವೆ ನಿನ್ನದೇ ಹೆಸರನು

ರಾಶಿ ಕನಸುಗಳ ಹೊತ್ತು ತಂದೆ ನನ್ನೆದೆಯ ಹೊಸ್ತಿಲಲ್ಲಿ

ನೀನೊಮ್ಮೆ ಕನಸುಗಳ ಬಿತ್ತಿ ಬಾ ನಾ ಪ್ರೇಮ ಲೋಕವ ಕಟ್ಟುವೆ 

ಅಲೆದಾಡುವ ಈ ಮನಸ ಮನಸಾರೆ ಆಲಂಗಿಸಿ ಸೊಗಸಾದ ಕಥೆಯ ಬರೆಯಲು ಬಾ

ಸೃಷ್ಟಿಯೇ ಒಮ್ಮೆ ದೃಷ್ಟಿಯ ತೆಗೆಯಬೇಕು ಹೀಗೆ ಜೊತೆಯಾಗಿರೋಣ ಬಾ

ಅಂತರಂಗದಲ್ಲಿ ಅಲಂಕೃತಳಾಗಿ ನಲಿಯು ಬಾ

ಈ ಪ್ರೀತಿಯೆಂಬ ಹಾಡಿಗೆ ಹೊಸ ಶೀರ್ಷಿಕೆ ನೀನಾಗು ಬಾ.

- ಆದರ್ಶ್ ಪಟೇಲ್

ಚಿಕ್ಕಮಗಳೂರು.