ಆ ಪಕ್ಷ- ಈ ಪಕ್ಷ (ಕವಿತೆ) - ಕಟ್ಟೆ ಎಂ ಎಸ್ ಕೃಷ್ಣಸ್ವಾಮಿ, ಮಂಡ್ಯ.

ಬಾಯಿಯಲ್ಲಿ ಬೆಣ್ಣೆ ಕಂಕುಳಲ್ಲಿ ದೊಣ್ಣೆ‌

ಹಿಡಿದು ನಡೆದವನೆ ನೋಡಿರಾಣ್ಣ ..

ಎದ್ದಾಗ ಒಂದು ಪಕ್ಷ ಮಲಗುವಾಗ ವೊಂದು ಪಕ್ಷ

ಜಿಂಕೆಯಂತೆ ಜಿಗಿತಾನೆ ನೀವೇ ನೋಡಿರಣ್ಣ..//೧//

ನುಡಿಯಲ್ಲಿ ಜೋರು ಗತ್ತು ಗಮ್ಮತ್ತು

ಕಾಯದೊಳಗೆಲ್ಲ ತುಂಬಿದೆ ಜೊಳ್ಳಣ್ಣ ..

ಆದರೇನು ನಿನಗೆ ಸಾಟಿ ಯಾರಣ್ಣ

ಈ ಬುವಿಯ ಜನಕೆ ನೀನೇ ಉದಾತ್ತವಣ್ಣ ..//೨//

ಕಾರುಣ್ಯ ತುಂಬಿದ ನೀತಿಗೆ ಬಹಳ ದೂರ

ಜಾತಿ ಧರ್ಮವ ಬಿಡೋದಿಲ್ಲಣ್ಣ..

ಆದರುನು ನೀನೇ ನಮ್ಮ ರವಿಯಣ್ಣ

ನಮ್ಮನಾಳುವ ಪ್ರಾಮಾಣಿಕ ದೊರೆಯಣ್ಣ..//೩//

ದುಡ್ಡOದ್ರೇ ನಿನ್ನ ಜೀವ ಅಧಿಕಾರ ನಿನ್ನ ಭಾವ

ಅಸತ್ಯನೆ  ನಿನ್ನ  ದೈವವಣ್ಣ..

ಆದರೇನು,ನೀನೇ ನಮ್ಮನಾಳುವ ಏಳು ಸುತ್ತಿಗೆ*

ಸವಿಗಾರ ಜನನಾಯಕ ಪ್ರೇರಕವಣ್ಣ..//೪//

ಬಡವರ ಕಂಡರೆ ಒಳಒಳಗೆಯಾಗಲ್ಲ

ಹುಸಿ ನಗುವುದ ಬಿಡೋದಿಲ್ಲಣ್ಣ..

ಕುಣಿತ್ಯತೆ ಜೇಬು ತುಂಬ ಪುಡಿಗಾಸು

ಜನಮನದ ಮತವೆಲ್ಲ ನಿನ್ನದೆ ಅದ್ಹೇಗಣ್ಣ..//೫//

ಅಬ್ಬಾ, ಏನು ಮೋಡಿ ಮಾಡದ್ದಣ್ಣ

ಎಷ್ಟು ಗುಡಿ ಮನಗಳ ಕದ್ದಣ್ಣ..

ನಿನ್ನ ಬಿಡಲ್ಲಾಂತರಲ್ಲ ಅದರ ಗುಟ್ಟೇನು

ಅಂತದ್ದು ಏನು ಮಾಡದೇ ಹೇಳಾಣ್ಣ..//೬//

- ಕಟ್ಟೆ ಎಂ ಎಸ್ ಕೃಷ್ಣಸ್ವಾಮಿ, ಅಂಚೆ ಜೀವ ವಿಮೆ ಮಂಡ್ಯ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)