ಸರ್ಕಾರಿ ಶಾಲೆಯ ಕಡೆ ಇರಲಿ ಕಾಳಜಿ (ಲೇಖನ) - ಪುರುಷೋತ್ತಮ ಪೆಮ್ನಳ್ಳಿಪಾವಗಡ ತಾ ತುಮಕೂರು ಜಿ.

 ಸರ್ಕಾರಿ ಶಾಲೆಯ ಕಡೆ ಇರಲಿ ಕಾಳಜಿ

ನಮ್ಮ ಬಾಲ್ಯದ ಪುಟಗಳಲ್ಲಿ ಮೊದಲು ನೆನಪಾಗುವುದು ಪ್ರಾಥಮಿಕ ಶಾಲೆಯಲ್ಲಿ ಅಭ್ಯಾಸ ಮಾಡಿದ ದಿನಗಳು ಆಗಿನ ಬಹುಪಾಲು ಜನರ ವಿಧ್ಯಾಭ್ಯಾಸಕ್ಕೆ ದೇವಾಲಯವಾಗಿ ಕೈ ಬೀಸಿ ಕರೆದದ್ದು ಸರ್ಕಾರಿ ಶಾಲೆಗಳು ಮನೆಯ ಯಜಮಾನ ತಂದೆಯಂತೆ ಶಿಕ್ಷಕರು ನಮ್ಮನ್ನು ಪ್ರೀತಿಯಿಂದ ನೋಡಿಕೊಳ್ಳುತ್ತಿದ್ದದ್ದು ಗೆಳೆಯರ ಒಡನಾಟ ಆಟಪಾಟಗಳು ಬಹುಶಃ ಆ ಸುವರ್ಣಕ್ಷರದ ದಿನಗಳನ್ನ ನೆನಪಲ್ಲಿ ಮಾತ್ರ ಕಾಣಲು ಸಾದ್ಯ..

ಸರ್ಕಾರಿ ಶಾಲೆಗಳ ಈಗಿನ ಅಳಿವು ಉಳಿವೆಂಬ ವಿಷಯದಲ್ಲಿ ಆಲೋಚಿಸಿ ನಡೆದಾಗ ಪ್ರಸ್ತುತ ದಿನಗಳಲ್ಲಿ ನಾವು ಪೋಷಕರಲ್ಲಿರುವ   ಆಂಗ್ಲಮಾಧ್ಯಮದ ವ್ಯಾಮೋಹ ಹಾಗೂ ಜಾಗತೀಕರಣದ ಜ್ಞಾನದ ಪೈಪೋಟಿ ಕಾರಣವೊಡ್ಡಿ ಸರ್ಕಾರಿ ಶಾಲೆಗಳ ಕಡೆ ಗಮನ ಹರಿಸದಿರುವುದು ವಿಪರ್ಯಾಸವೇ ಸರಿ.

ನಾವು ಒಮ್ಮೆ ಆಲೋಚಿಸಬೇಕು ಬದುಕಿಗೆ ಗಟ್ಟಿತನ ತಂದು ಕೊಡುವ ಗುರುಗಳ ಮಾರ್ಗದರ್ಶನ ಸಾಧನೆ ಹಂಬಲತೆಗೆ ನೀಡುವ ಪ್ರೊತ್ಸಾಹ ಎಲ್ಲರೂ ನಮ್ಮವರೆಂಬ ವಿಶಾಲ ಭಾವನೆಯ ಆಗರ ನಮ್ಮ ಸರ್ಕಾರಿ ಶಾಲೆಯಾಗಿದೆ

ಪ್ರಸ್ತುತ ದಿನಗಳಲ್ಲಿ ನಮ್ಮೂರ ಶಾಲೆ ಎಂಬ ಭಾವನೆಯಲ್ಲಿ ಪೋಷಕರು ಸಮುದಾಯ ಸ್ಥಳೀಯ ಪ್ರತಿನಿಧಿಗಳು ಗ್ರಾಮದ ಸರ್ಕಾರಿ ಶಾಲೆಗಳ ಬಗ್ಗೆ ಹೆಚ್ಚಿನ ಗಮನ ಹರಿಸಿ ಸಹಕಾರ ನೀಡಿದರೆ ಮಕ್ಕಳ ಸರ್ವಾಂಗೀಣ ಬೆಳವಣಿಗೆಗೆ ಕಳಶಪ್ರಾಯವಾದ ಕಾರ್ಯವಾಗುವುದು.

ಮಕ್ಕಳಲ್ಲಿ ಜೀವನದ ಗಟ್ಟಿತನ ಬೇರೂರಲು ಜೀವನದ ರೂಪುರೇಷೆಗಳ ವಿಶ್ಲೇಷಣೆಯ ವಿಭಿನ್ನ ಅವಕಾಶಗಳನ್ನ ಶಾಲೆಯು ಕಲ್ಪಿಸುವುದು ಒಂದು ಸ್ಮರಣೀಯ.

ಸರ್ಕಾರಿ ಶಾಲೆಯ ಉಳಿವು ಹಾಗೂ ಕಲಿಕಾ ಗುಣಮಟ್ಟ ಹೆಚ್ಚಿಸಲು ಸರ್ಕಾರವು ಹಲವಾರು ಯೋಜನೆಗಳನ್ನ ಜಾರಿಗೊಳಿಸಿದೆ ಅವುಗಳ ಉಪಯೋಗವನ್ನು ಪೋಷಕರು ಪಡೆಯಲು ತಮ್ಮ ಮಕ್ಕಳನ್ನುಸರ್ಕಾರಿ ಶಾಲೆಗೆ ಸೇರಿಸಲು ಪ್ರೊತ್ಸಾಹ ನೀಡಬೇಕಾಗಿದೆ

 ಮಗು ಸರ್ಕಾರಿ ಶಾಲೆಗೆ ಸೇರುವುದರಿಂದ ಆಗುವ ಲಾಭಗಳು..........

೧. ಉಚಿತವಾದ ಶಿಕ್ಷಣ.

೨. ಪ್ರತಿಭಾವಂತ ಶಿಕ್ಷಕರಿಂದ ಬೋಧನೆ.

೩. ಪೋಷಕರಿಗೆ ಆರ್ಥಿಕ ಹೊರೆ ಇಲ್ಲ.

೪. ಉಚಿತವಾದ ಸಮವಸ್ತ್ರಗಳು.

೫. ಉಚಿತವಾದ ಪಠ್ಯಪುಸ್ತಕಗಳು.

೬. ಉಚಿತವಾದ ಸೈಕಲ್ಗಳು.

೭. ವಾರದ ೫ ದಿನ ಕ್ಷೀರಭಾಗ್ಯ.

೮. ಉತ್ತಮ ಕಂಪನಿಯ ಒಂದು ಜೊತೆ ಶೂ.

೯. ವಿದ್ಯಾರ್ಥಿ ವೇತನ.

೧೦. ವಿಕಲಚೇತನರಿಗೆ ವಿಶೇಷ ಸೌಲಭ್ಯಗಳು.

೧೧. ಗ್ರಂಥಾಲಯ ಸೌಲಭ್ಯ.

೧೨. ಪ್ರಯೋಗಾಲಯ.

೧೪. ಸುಸಜ್ಜಿತ ಕೊಠಡಿಗಳು..

೧೫. ನವೀನ ಶೌಚಾಲಯಗಳು.

೧೬. ಆಟದ ಮೈದಾನ.

೧೭. ಉಚಿತ ಕ್ರೀಡಾ ಸಾಮಗ್ರಿಗಳು.

೧೮. ನಲಿ-ಕಲಿ ಮೂಲಕ ಬೋಧನೆ.

೧೯. ೧ನೇ ತರಗತಿಯಿಂದಲೇ ಇಂಗ್ಲೀಷ್ ಬೋಧನೆ.

೨೦. ಹೊಸದಾಗಿ LKG/UKG ಆರಂಭ.

೨೧. ಪ್ರತಿಭಾಕಾರಂಜಿ ಕ್ರೀಡಾಕೂಟ ಆಯೋಜನೆ.

೨೨. CCE ಮೂಲಕ ಬೋಧನೆ.

೨೩. TLM ಮೂಲಕ ಬೋಧನೆ.

೩೪. ಇನ್ಸಪೈರ್ ಅವಾರ್ಡ್ ಮೂಲಕ ಭಾವಿ ವಿಜ್ಞಾನಿಗಳಿಗೆ ಪ್ರೋತ್ಸಾಹ..

೨೫. ರಾಷ್ಟ್ರೀಯ ಬಾಲ ಸ್ವಾಸ್ಥ್ಯ ಕಾರ್ಯಕ್ರಮ ಯೋಜನೆಯಡಿ ಉಚಿತ ಆರೋಗ್ಯ ತಪಾಸಣೆ.

೨೬. ವಿದ್ಯಾರ್ಥಿನಿಯರಿಗೆ ಉಚಿತ ಶುಚಿ ಪ್ಯಾಡ್.

೨೭. ಸಾಂಸ್ಕೃತಿಕ ಕಾರ್ಯಕ್ರಮಗಳ ಆಯೋಜನೆ.

೨೮. ರೇಡಿಯೋ ಮೂಲಕ ಚುಕ್ಕಿ ಚಿನ್ನ, ಕೇಳಿ ಕಲಿ ಕಾರ್ಯಕ್ರಮ

೨೯. ಉಚಿತವಾದ ಕಂಪ್ಯೂಟರ್ ಶಿಕ್ಷಣ.

೩೦. ಮೌಲ್ಯಶಿಕ್ಷಣ..

೩೧. ಮಕ್ಕಳಿಂದಲೇ ನಿರ್ಮಿತವಾದ ಸುಂದರ ಕೈ ತೋಟ.

೩೨. ಅಕ್ಷರ ಪೌಂಡೇಷನ್ ಸಹಯೋಗದಲ್ಲಿ ಗಣಿತ ಕಲಿಕೆಗೆ ಉಚಿತ ಸಾಮಗ್ರಿಗಳು.

೩೪. ಶಿಕ್ಷಣ ಕಲಿಕೆಯ ತಪಾಸಣೆಗಾಗಿ ದಕ್ಷ ಅಧಿಕಾರಿ/ ಮಾರ್ಗದರ್ಶಕರು.

೩೫. ಕಾಲ ಕಾಲಕ್ಕೆ ಶಿಕ್ಷಕರಿಗೆ ತರಬೇತಿ.

೩೬. ಮಕ್ಕಳ ಕಲಿಕೆ ಹಾಜರಾತಿ ದಾಖಲಿಸಲು SATS

೩೭. ಕಲಿಕೆಯಲ್ಲಿ ಹಿಂದುಳಿದ ಮಕ್ಕಳಿಗೆ ಪರಿಹಾರ ಬೋಧನೆ.

೭೮. ಉಚಿತ ಮಧ್ಯಾಹ್ನದ ಬಿಸಿಯೂಟ ಯೋಜನೆ.

೩೯. ಸಂಸತ್ ರಚನೆಯ ಮೂಲಕ ಪ್ರಜಾಪ್ರಭುತ್ವ ಪರಿಚಯ

೪೦. ಶಾಲೆ ಉಸ್ತುವಾರಿಗಾಗಿ sdmc ರಚನೆ.

೪೧. ವಿವಿಧ ಸಂಘಗಳ ರಚನೆಯ ಮೂಲಕ‌ ಮಕ್ಕಳಲ್ಲಿ ಜಾಗೃತಿ.

೪೨. ಶಾಲಾ ವಾರ್ಷಿಕೋತ್ಸವ

೪೩. ನವೋದಯ ಆದರ್ಶ, ಮೊರಾರ್ಜಿ, ಕಸ್ತೂರಿಬಾ, ಕಿತ್ತೂರು ರಾಣಿ ಚೆನ್ನಮ್ಮ , ಇಂದಿರಾ, ಏಕಲವ್ಯ, ವಾಜಪೇಯಿ kps ವಸತಿ ಶಾಲೆಗಳು.

೪೪. ಮಕ್ಕಳಿಗೆ ಎಲ್ಲ ರೀತಿಯ ಮೌಲ್ಯಗಳ ಬೆಳವಣಿಗೆಗೆ ಮುಕ್ತ ಅವಕಾಶ.

೪೫. ದೈರ್ಯ, ಆತ್ಮವಿಶ್ವಾಸ, ನಾಯಕತ್ವ, ಕಷ್ಟ ಸಹಿಷ್ಣುತೆ, ಬಡತನ ಸಿರಿತನ ಇತ್ಯಾದಿಗಳ ನೈಜ ಅನುಭವ.

೪೬. ಸರ್ಕಾರಿ ವೃತ್ತಿಯಲ್ಲಿ ಕನ್ನಡ ಮಾಧ್ಯಮ, ಗ್ರಾಮಾಂತರ ಕೋಟಾ...

ಇವುಗಳನ್ನು ಮನವರಿಕೆ ಮಾಡಿ ಶಾಲೆಗಳ ಉಳಿವಿಗಾಗಿ ಶ್ರಮಿಸಬೇಕಿದೆ...

 - ಪುರುಷೋತ್ತಮ ಪೆಮ್ನಳ್ಳಿ

ಪಾವಗಡ ತಾ ತುಮಕೂರು ಜಿ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)