ತವರು ಮನೆ ದಾರಿಯಾಗ (ಜಾನಪದ ಶೈಲಿ ಗೀತೆ) - ಸಹನಾ ಯಶವಂತ್ ಗೌಡ.

 ತವರು ಮನೆ ದಾರಿಯಾಗ (ಜಾನಪದ ಶೈಲಿ ಗೀತೆ)

ತವರಿನ ಹೆಸರಲ್ಲೆ ಆನಂದ ಉಕ್ಕಿದಾಂಗಾ

ದಾರಿಯಲಿ ತೇರು ಕಂಡಿತ್ತು /ನೋಡೆ ತಂಗಿ/

ಹಡೆದವ್ವ ನನ್ನ ಕನವರಿಸಿದಾಂಗಾ

ಅಡಿಕೆ ತೆಂಗು  ಬಾನಾಡಿ ತುಗ್ಯಾವಾ

ಹಳ್ಳ ಕೊಳ್ಳ ತುಂಬಿ ಉಕ್ಯವಾ /ಗೆಳತಿ/

ಹೂ ದಾರಿಗೆ ಹಾಸಿದಾಂಗ

ಎಲ್ಲೆಲ್ಲು ಹಸಿರಿನ ಕಾನಾನವೇ ಇಲ್ಲಿ

ದನಕರುಗಳಿಗೆ ಸಿಂಗಾರದ ಹಬ್ಬವೇ /ಗೆಳತಿ/

ಮೂಡ ಬಾಗಿಲಿಗೆ ಕರೆದಾಂಗ

ಬಾರಣ್ಣ ಬಾಳೆಗಾರ ಹೂವಿನ ಮಾಲೆಗಾರ

ಅವ್ವಾ ಕಲಿಸಾಳ ಕರೆತರಲು /  ಗೆಣೆಗಾರ/ 

ಅಣ್ಣಾನಾ  ಮನೆಯಾಗಾ ಸಿರಿಯೇ ತುಂಬಿದಾಂಗ

ಮಾವಿನ ಹಲಸಿನ ತೋರಣದ ಬೀಸಣಿಕೆ

ಊರ ತುಂಬೆಲ್ಲ ದಿಬ್ಬಣದ ಮೆರವಣಿಗೆ / ತಂಗಿ/

ತವರು ಮನೆಯಾಗ ಸಂಪತ್ತು ಉಕ್ಕಿದಾಂಗ

- ಸಹನಾ ಯಶವಂತ್ ಗೌಡ.

ಕ ರಾ ಮು ವಿ. ಮೈಸೂರು.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)