ಗುರು ನಮನ (ಕವಿತೆ) - ಶ್ರೀಮತಿ ಜ್ಯೋತಿ ಕೋಟಗಿ ಶಿಕ್ಷಕಿ ಸ ಮಾ ಪ್ರಾ ಶಾಲೆ ತಲ್ಲೂರ.

ಗುರು ನಮನ

ಆರಾಧನೆ ಗುರುವಿನ ಆರಾಧನೆ

ಆತ್ಮದ ದೇವರ ಆರಾಧನೆ

ಅಣುದಿನಾ ಅಣುಕ್ಷಣಾ ಹಾಡಿ ಭಜಿಸುವೆ//ಪ//

ಅಕ್ಷರವ ಕಲಿಸಿ ದಾರಿಯ ತೋರಿದ

ಗುರುವಿನ ಚರಣಕ್ಕೆ ಸಾಷ್ಟಾಂಗ ವಂದನೆ

ಅಣುದಿನಾ ಅಣುಕ್ಷಣಾ ಹಾಡಿ ನಮಿಸುವೆ//೧//

ಅಂಧಕಾರವ ಕಳೆದು ಬೆಳದಿಂಗಳ ನೀಡಿದ

ಜಗದಲ್ಲಿ ಬಾಳುವ ರೀತಿಯ ಕಲಿಸಿದ

ಗುರುವಿಗೆ ಶ್ರೀ ಗುರುವಿಗೆ ಕೈಯ ಮುಗಿಯುವೆ//೨//

ಹರಮುನಿದರೆ ಗುರು ಕಾಯುವ

ಗುರು ಮುನಿದರೆ ಹರ ಕೈ ಬಿಡುವ

ಅಂತಗುರುವಿಗೆ ಮಹಾಗುರುವಿಗೆ ಶಿರಬಾಗಿ ನಮಿಸುವೆ//೩//

ಜಗದ ಬೆಳಕು ನೀ ಜಗಕೆ ದಾರಿ ನೀ

ನೀನಿಲ್ಲದ ಈ ಜಗ ಅಜ್ಞಾನದ ಬೀಡು

ನೀನಿರಿಲು ಜೊತೆಯಲ್ಲಿ ಜಗವೆಲ್ಲ ಹೊಂಬೆಳಕು

ಗುರುವಿಗೆ ಜಗದ್ಗುರುವಿಗೆ ಆದರದಿ ನಮಿಸುವೆ//೪//

- ಶ್ರೀಮತಿ ಜ್ಯೋತಿ ಕೋಟಗಿ ಶಿಕ್ಷಕಿ ಸ ಮಾ ಪ್ರಾ ಶಾಲೆ ತಲ್ಲೂರ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)