ಪ್ರಣಯ ಗೀತೆ
ಗಂ-ನೀನಿರದೆ ನಾ ಇರಲಾರೆನು ಚೆಲುವೆ
ನಿನ್ನಯ ಸವಿ ಪ್ರೀತಿಯಲಿ ನನ್ನ ಸೆಳೆದೆ.
ಹೆ- ಬೆಳಕಾಗಿ ನೀ ಬಂದೆ ನನ್ನೊಲವೆ
ನನ್ನ ಬಾಳ ಪುಟಕೆ ಪ್ರೀತಿಯ ಸುರಿದೆ.||೧||
ಗಂ -ಇರುಳ ಚಂದಿರನ ಕಾಂತಿಯ ಚೆಲುವೆ
ನಿನಗಾಗಿಯೇ ಮೀಸಲು ನನ್ನೆಲ್ಲಾ ಬಲವೇ
ಹೆ-ಮುಂಜಾನೆಯ ರವಿಯ ಹೊಂಗಿರಣದ ಚೆಲುವ
ತೋರುವೆನು ನಿನಗಾಗಿ ನನ್ನಯ ಒಲವ||೨ ||
ಗಂ-ನನ್ನಾಸೆಯೆಲ್ಲ ನಿನಗಾಗಿಯೇ ಮೀಸಲಾಗಿಡುವೆನು
ಹೃದಯದೊಳಗೆ ಕಚಗುಳಿಯಿಟ್ಟು ನರ್ತಿಸು ಬಾ
ಹೆ-ನನ್ನಾಸೆಯೇ ನೀ ನಿನೀರದೇ ನಾ ಇರಲಾರೆನು
ಮನದೊಳಗೆ ಪ್ರೀತಿ ಸವಿ ಜೇನಾ ಸವಿಯ ಬಾ.||೩||
||ನಿನೀರದೆ,||
ಗಂ-ನನ್ನಂತರಂಗವ ಬಲ್ಲ ನನ್ನ ರಾಣಿಯು ನೀನೇ
ನಿನ್ನ ನಗುವಿರದೆ ಹಸಿರ ಸಿರಿ ಧರೆಯಲಿ ಕಾಣೆ
ಹೆ-ನನ್ನಂತರಂಗಕೆ ಪ್ರೀತಿಯ ಪಾಶವ ಹೆಣೆದವನೇ
ನನ್ನುಸಿರಲಿ ಬೆರೆತ ನಿನ್ನಂತ ಚೆಲುವನ ನಾ ಕಾಣೇ.||೪||
ಗಂ-ಪ್ರೇಮಕಾಶಿಯಲಿ ತೇಲುತ ಸಾಗಲಿ ನಮ್ಮ ಜೋಡಿ
ಪ್ರೇಮಲೋಕವ ಕಟ್ಟೋಣ ಮಾಡುತ ಮೋಡಿ
ಹೆ-ಕಾಂಚನಗಂಗಾದವರೆಗೆ ಹರಡಲಿ ನಮ್ಮ ಪ್ರೀತಿ
ಪ್ರೇಮ ಪಾಠದಿ ಸಾರೋಣ ಜಗಕೆ ನೀತಿ.||೫||
ಗಂ-ಸಂಗೀತದ ಸ್ವರವಾಗಿ ಕವಿತೆಯ ಪದವಾಗಿ ಬಂದು ನೆಲಸಿ
ಪ್ರೇಮದ ಹೊನಲ ಹರಿಸಿದೆ ಹೃದಯದರಸಿ
ಹೆ-ನೀ ಮೀಟಿದ ವೀಣೆಯ ತಂತಿಯ ನಾದದಿ ಝೇಂಕರಿಸಿ
ಇರುವೆನು ಜೊತೆಯಲಿ ಉಸಿರಿಗೆ ಉಸಿರ ಬೆರಸಿ.||೬||
|| ನಿನೀರದೆ||
- ಪುರುಷೋತ್ತಮ ಪೆಮ್ನಳ್ಳಿ
ಪಾವಗಡ ತಾ ತುಮಕೂರು ಜಿ
ದೂ.9632296809.
(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ