ಕಲಿಸಿದವರಾರು? (ಕವಿತೆ) - - ಜಗದೀಶ ತಿಗರಿ, ವಿಜಯನಗರ ಜಿಲ್ಲೆ.

ಆ ಶ್ವಾನಕ್ಕೆ ಗುರು ಯಾರು? 

ಮೊಳೆಯಿತು ಹೇಗೆ ನಿಯತ್ತಿನ ಚಿಗುರು..

ಹಸಿದ ಹೊಟ್ಟೆಗೆ ಸಿಕ್ಕ 

ರೊಟ್ಟಿಯ ತುಣುಕು ಕಲಿಸಿತೇನೋ... 

ಸಾಲಾಗಿ ಹೊರಟಿವೆ ನೋಡಲ್ಲಿ ಇರುವೆ

ಆ ವಿಧದ ಶಿಸ್ತಿನ ಕಿರೀಟವಿಟ್ಟವರಾರು?

ಅಗೋ ಅಲ್ಲಿ ನೋಡು ಹದ್ದು

ಮೋಡಗಳ ಮಹಡಿಯ ಮೇಲೆ ವಿರಾಜಮಾನ

ಅದೆಂಥಾ! ಆತ್ಮ ವಿಶ್ವಾಸ

ಮೂಡಿಸಿದ ಮಹನೀಯನಾರು?

ಕಾಸು ಕೂಡಿಡಲಿಲ್ಲ, ವೇಷ ತೊಡಲೇ ಇಲ್ಲ;

ಮೊಸವನಂತು ಮಾಡಲೇ ಇಲ್ಲ;

ಹುಲ್ಲು ಹಾಸಿಗೆಯಲ್ಲಿ ಸುಖ ಶಯನ;

ಎಲ್ಲಿ ಕಲಿತವು ಈ ಖಗ - ಮೃಗಗಳೆಲ್ಲ,

ಮನುಜ ಕಲಿಯದ ಈ ಸರಳ ಪಾಠವ?

- ಜಗದೀಶ ತಿಗರಿ 

ಪ್ರಥಮ ದರ್ಜೆ ಸಹಾಯಕ

ಹೊಳಗುಂದಿ

ಹೂವಿನ ಹಡಗಲಿ ತಾ

ವಿಜಯನಗರ ಜಿ

8970273749

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)