ಗುರುವಾರ, ಡಿಸೆಂಬರ್ 2, 2021

ಕರಾಳ ಮುಖ (ಕವಿತೆ) - ಶ್ರೀ ತುಳಸಿದಾಸ ಬಿ ಎಸ್.

ಫಲ ಹೊತ್ತು ನಿಂತಿತ್ತು ನಿಂತಿದ್ದು ಬಾಗಿತ್ತು
ಕೊಯ್ದದ್ದು ಮುಳುಗಿತ್ತು ರಾಶಿ ಕೊಚ್ಚೇ ಹೋಯ್ತು
ಬೇಡವಾದಾಗ ಬಂದು ಕಸಿದೋಯ್ತು ಎಲ್ಲವನು
ಇನ್ನೂ ನಿಲ್ಲಲೇ ಇಲ್ಲ ಮಳೆ

ಕಟ್ಟಿಗೆಯು ತೊಯ್ದಿತ್ತು ಒಳಗೆಲ್ಲ ನೀರಿತ್ತು
ಗೋಡೆ ಮೆಲ್ಲಗೆ ಬಾಗಿ ಮನೆಯಿಂದು ಬಿದ್ದೋಯ್ತು
ಕನಸು ಸಣ್ಣಗೆ ಜಾರಿ ಕಣ್ಣೆಲ್ಲ ನೀರಾಯ್ತು
ಇನ್ನೂ ನಿಲ್ಲಲೇ ಇಲ್ಲ ಮಳೆ

ವಾಹನಗಳನೇ ಸೆಳೆದು ತಾ ದೂರ ಸಾಗಿತ್ತು
ಜೀವರಾಶಿಯ  ನುಂಗಿ ನೋವ ತಾನುಳಿಸಿತ್ತು
ಊರಿಗೂರೇ ನೀರು ಸುತ್ತಲೆತ್ತಲೂ ನೀರು!
ಇನ್ನೂ ನಿಲ್ಲಲೇ ಇಲ್ಲ ಮಳೆ

ಕರೆದಾಗ ಬರಲಿಲ್ಲ ಬಂದಾಗ ನಗುವಿಲ್ಲ
ಋತು ಚಕ್ರವನೆ ಮೀರಿ ಸುರಿಯುತಲಿದೆ ತಾನು
ಎಲ್ಲದನು ನಿಲ್ಲಿಸುತ ತಣ್ಣಗೊಮ್ಮೆಗೆ ನಿಂತು
ತನ್ನ ಲೋಪದ ಕುರಿತು ಮರುಗೀತೆ ಮಳೆಯು?
- ಶ್ರೀ ತುಳಸಿದಾಸ ಬಿ ಎಸ್, ಶಿಕ್ಷಕರು ಸಿಂಧನೂರು ಜಿ.ರಾಯಚೂರು.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)
-

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ: ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)

ನೊಂದವಳು(ಸಣ್ಣಕಥೆ) - ಎಂ.‌ಆಶಾಕಿರಣ್

ಈ ಕಥಾನಾಯಕಿಯ ಹೆಸರು ಕುಸುಮ, ಇವಳು ಹಳ್ಳಿಯಲ್ಲಿ ಒಂದು ಬಡಕುಟುಂಬದಲ್ಲಿ ಜನಿಸುತ್ತಾಳೆ. ಇವಳ ತಂದೆಗೆ  ಗಂಡು ಮಗು ಬೇಕೆಂಬ ಹಂಬಲ, ಇದರ ಫಲವಾಗಿ ಇವನಿಗೆ ನಾಲ್ಕು ಹೆಣ್ಣುಮಕ...

  • ಸಂದರ್ಶನ: ಸಾಧಕಿ ಶ್ರೀಮತಿ ಆಶಾಕಿರಣ್‌, ಶಿಕ್ಷಕಿ, ಬೇಲೂರು.
    ಶ್ರೀಮತಿ ಆಶಾಕಿರಣ ಬೇಲೂರು. ಶಿಕ್ಷಕರು, ಬರಹಗಾರರು ಹಾಗೂ ಸಾಮಾಜ ಸೇವಕರು. ಬೇಲೂರು, ಹಾಸನ ಜಿಲ್ಲೆ. ಇವರು ಕರ್ನಾಟಕ ರಾಜ್ಯ ಸ್ಪಂದನ ಸಿರಿ ವೇದಿಕೆಯ 14 ನೇ ವಾರ್ಷಿಕೋತ್ಸವ...
  • ಗಜೇಂದ್ರ ಮೋಕ್ಷ (ಪದ್ಯ ಕಥನ) - ಎಂ ಆಶಾ ಕಿರಣ್.
    ಗೌಳ ದೇಶದ ಅರಸ  ಇಂದ್ರದ್ಯುಮ್ನನು,  ಸಂಸಾರ ಬಂಧನವ ತೊರೆದನು   ದೊರೆಯ ಪಟ್ಟವೇ ನನಗೆ ಬೇಡವೆಂದನು   ದಿನವೂ ಹರಿನಾಮ ಜಪವೇ ಸಾಕೆಂದನು.  ಸುಂದರ ತಪ್ಪಲಿನಲ್ಲಿ ಕುಳಿತನು   ...
  • ಲೇಖನ...
    ಲೇಖನ ವಿಲಕ್ಷಣ ನಗೆಯ ಶುಕುನಿ ಪಾತ್ರದಾರಿ ಡಿ.ವಿ.ನಾಗಮೋಹನ್ ಪೌರಾಣಿಕ ನಾಟಕ ಕುರುಕ್ಷೇತ್ರದಲ್ಲಿ ಬರುವ ಒಂದು ವಿಲಕ್ಷಣ ಪಾತ್ರ ಶಕುನಿ. ಈ ನಾಟಕದಲ್ಲಿ ಎಲ್ಲಾ...