ಪ್ರೀತಿಗೆ ಮುಪ್ಪಿಲ್ಲ (ಕವಿತೆ) - ಶಿವಾ ಮದಭಾಂವಿ.

ದಾಂಪತ್ಯವು ಛಲವು ಒಲವು ಗೆಲುವಿನಲಿ 

ಜೊತೆಯಲಿ ತೇಲುತಾ ಸಂಪ್ರೀತಿಯಲಿ

ಸಾಗುತಿದೆ ಬಾಳ ನೌಕೆಯಲಿ ಪಯಣ

ಕಷ್ಟಗಳ ಕಾಲಡಿ ತುಳಿದು ನಡೆಸುತಾ ಜೀವನ

ಪ್ರೇಮಮಯ ಮಾತುಗಳಿಗೇನು ಬರವಿಲ್ಲ

ಒಬ್ಬರಿಗೊಬ್ಬರು ಆಗಿಹರು ತಾವೆ ಜಗವೆಲ್ಲ

ಯೌವ್ವನ ಮಾಸಿಹುದು ಮುಪ್ಪು ಆವರಿಸಿಹುದು

ಕೈ ಹಿಡಿದ ಪ್ರೀತಿ ಪ್ರೇಮಕೆ ಕೊನೆಯಿರದು

ಸಾಗತಿದೆ ನಿಜ ಪ್ರೇಮಮಯಿ ಜೀವನದತ್ತ

ಜಗಕೆ ಸಾರುತ ಪ್ರೀತಿಯ ಅರ್ಥ ತಿಳಿಸುತ

- ಶಿವಾ ಮದಭಾಂವಿ, ಗೋಕಾಕ.