ಗುರು (ಕವಿತೆ) - ಹೆಚ್. ಎಸ್. ನಿಜಗುಣ.

ಜ್ಞಾನದ ದಿಗಂತದ ಬೆಳಕನು ತೋರುವ

ಗುರುವೇ ದಾರಿ ದೀವಿಗೆ;

ನೀತಿಸಂಹಿತೆಯ ಬೋಧನೆ ಮಾಡುವ

ಗುರುವೇ;ಧರ್ಮ ಸರ್ವರಿಗೆ 

ಅಜ್ಞಾನದಿಂದಲೇ ಅಕ್ಷರ ಕಲಿಸುವ

ಗುರುವೇ ಜ್ಞಾನಾರ್ಜಕನಿಗೆ;

ಮಾನವ ಕುಲಕ್ಕೆ ಮೌಲ್ಯ ಬೋಧಿಸುವ

ಗುರುವೇ ಗತಿಯ ಅರಿವಿಗೆ;

ಶ್ರದ್ಧೆಯ ತೋರುತ ಸತ್ಯದ ಸಾರುವ

ಗುರುವೇ ಹಿರಿಯ ಜನತೆಗೆ;

ವಿದ್ಯೆಯ ಕಲಿಸುವ ಬುದ್ಧಿಯ ಹೇರುವ

ಗುರುವೇ ಶೀಲದ ಶಾಲೆಗೆ;

ಚರಿತ್ರೆಯ ಕಲಿಸಿ  ಸಂಸ್ಕೃತಿ ಬೆಳೆಸುವ

ಗುರುವೇ ಪೂಜ್ಯ ಸಕಲರಿಗೆ;

ಶೀಲ ಸಂಸ್ಕಾರದ ಮಹಿಮೆಯ ಅರಿಹುವ

ಗುರುವೇ ಅನನ್ಯ ಮಾಣಿಕ್ಯ.

- ಹೆಚ್. ಎಸ್. ನಿಜಗುಣ.

ಹುಲ್ಲೇಕೆರೆ.- ತಿಪಟೂರು, ಉಪ ಪ್ರಾಂಶುಪಾಲರು.