ಅರಿತು ನಡೆ- ಅರಿವಿನ ಕಡೆ" (ಆಧುನಿಕ ವಚನ) - - ಹನುಮಂತ ದಾಸರ, ಹೊಗರನಾಳ.

"ಅರಿತು ನಡೆ- ಅರಿವಿನ ಕಡೆ"

ಹಬ್ಬ ಹರಿದಿನಕೆ ಶುಧ್ಧಿಯಾದೊಡೇನುಬಹುದು

ಅಂಗ ಶುಧ್ಧಿ ಇಲ್ಲದಿರೆ|

ಅಂಗ ಶುಧ್ಧಿಯಾದೊಡೇನುಬಹುದು

ಅಂತರಂಗ ಶುಧ್ಧಿ ಇಲ್ಲದಿರೆ|

ನದಿ ಸಾಗರದಲಿ ಮಿಂದೇಳಿದರೇನುಬಹುದು

ಬುಧ್ಧಿ ಶುಧ್ಧವಿಲ್ಲದಿರೆ|

ಲಿಂಗವ ಧರಿಸಿದರೇನುಬಹುದು

ಅಂಗಾಂಗಳರಿವು ಇಲ್ಲದಿರೆ|

ಮೀಸೆ ಗಡ್ಡಗಳ ಬಿಟ್ಟರೇನುಬಹುದು

ಆಶೆ ಅನುಭವಗಳ ತೊರೆಯದಿರೆ|

ಶಾಸ್ತ್ರವ ಓದಿದರೇನುಬಹುದು

ನಿಸ್ವಾರ್ಥವನ್ನು ಅರಿಯದಿರೆ|

ವೇದಗಳನು ಓದಿದರೇನುಬಹುದು

ಗಾದೆಮಾತುಗಳ ಅರಿಯದಿರೆ|

ಲಿಂಗಮೋಕ್ಷವ ಪಡೆದರೇನುಬಹುದು

ದುರ್ಜನ ಸಂಗದೋಷವ ತೊರೆಯದಿರೆ|

ಬಸವ ಬಸವ ಎಂದು ಪೇಳಿದರೇನುಬಹುದು

ಬಸವ ತತ್ವಾದರ್ಶಗಳ ಅರಿಯದಿರೆ|

ಗುಡಿ ಗುಂಡಾರಗಳ ಸುತ್ತಿ ತಲೆ ಬೋಳಿಸಿದರೇನುಬಹುದು

ಎಳೆ ಮುಗುವಿನ ಮುಗ್ಧ ಭಾವವ ಅರಿಯದಿರೆ|

ಸಿಗದು ಎಮಗೆಂದಿಗೂ ಬದುಕಿನಲಿ ಮುಕ್ತಿ

ಬೆರೆತು ನಡೆ ಶಿವಶರಣ ಬಸವಣ್ಣರ ಆಧ್ಯಾತ್ಮದಲಿ ಭಕ್ತಿ....!!

         

    

- ಹನುಮಂತ ದಾಸರ, ಹೊಗರನಾಳ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)