ನಳಿದಂತೆ (ಕವಿತೆ) - ಶ್ರೀ ಕಟ್ಟೆ ಎಂ ಎಸ್ ಕೃಷ್ಣ ಸ್ವಾಮಿ, ಮಂಡ್ಯ.

ನಳಿದಂತೆ.

ನಾನು ನೀನಾಗಿರುವೆ ಓ ಗೆಳತಿ

ಅಂದ ಭಾವನೆಯ ನೇಹ  ಮುಕುರದಂತೆ,,

ನನ್ನ ಮನವು ಪ್ರೀತಿ ತುಂಬಿದ

ವಿಶಾಲ ನೀಲಕಾಯ  ಮೋಡದಂತೆ,,//೧//

ಚೆಂದ ಬನದಲಿ ಅರಳಿದ ಕುಸುಮ

ಕಿರಣಕೇತು ಕದಿರ ಹೊನ್ನ ರಶ್ಮಿಯಂತೆ,,

 ಚೆಲುವ ಲತೆಯಲಿ ನಗುತ  ಪ್ರಜ್ವಲಿಸುವ

ರಜನೀಕರನ ಬೆಳದಿಂಗಳ ರಜತದಂತೆ,,//೨//

ಗಿರಿ ಬೆಟ್ಟದಿಂದ ಧುಮ್ಮುಕುವ

ಕಣ್ಮನ ಸೆಳೆಯುವ ಜಲವೇಣಿಯಂತೆ,,

ಚಿತ್ತದಲ್ಲಿ ಹರಿವ ಉತ್ಕರ್ಷ ನವ ಲಹರಿ

ಚೆಲುವಿನಲಿ ಜಿಗಿಯುವ  ಚಿಗರೆಯಂತೆ,,//೩//

ಹೃದಯ ವೀಣೆ ಸಪ್ತನಾದ ಮೀಟಿದಂತೆ

ಮಯೂರಿ ನರ್ತಿಸುವುದು  ಸೊಬಗಿನಂತೆ,,

ವಸಂತ ಕೋಕಿಲ ಮರೆಸಿ  ಹಾಡುತಿರೆ

ಕಾಮನಬಿಲ್ಲೆ ರಂಗಲಿ   ನಳಿದಂತೆ,,//೪//

- ಕಟ್ಟೆ ಎಂ ಎಸ್ ಕೃಷ್ಣಸ್ವಾಮಿ

ಅಂಚೆ ಜೀವ ವಿಮೆ ಮಂಡ್ಯ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)