ಚುಟುಕುಗಳು - ಸ್ವಾತಿ ರಾವ್.

‌೧

ನೋವಿನ‌ ಜೊತೆಗೊಂದು ನಿರಾಸೆ

ಏನು ಆಗುತ್ತಿಲ್ಲವೆಂಬ ಹತಾಶೆ

ಪ್ರತಿ ದಿನವೂ ಒಂದೊಂದು ಪರೀಕ್ಷೆ

ಎಲ್ಲದರಲ್ಲೂ ‌ಸೋಲೆಂಬ ತಮಾಷೆ

ಆದರೂ ಸುಮ್ಮನಿರಲು ಬಿಡದು‌ ನಿರೀಕ್ಷೆ

ಮರಳಿ‌ ಯತ್ನವ ಮಾಡು ಇದೇ,

ಬದುಕಿಗೆ ನೀಡುವ ಪುಟ್ಟ ಭರವಸೆ

೨

ಉದ್ವೇಗಕ್ಕೆ ಒಳಗಾದರೆ ಮನಸ್ಸು

ಉರಿದು ಹೋಗುವುದು ನಿನ್ನ ಕನಸು

ಊಹಾಪೋಹಗಳಿಗೆ ತೋರಬೇಡ‌ ಮುನಿಸು

ಮುಂದೆ ನಡೆ ಕಾಯುತಲಿದೆ ನಿನ್ನ ಯಶಸ್ಸು

೩

ನಿನ್ನೆಯ ನೆನಪು

ನಾಳೆಯ ಕನಸು

ಇಂದಿನ ಬದುಕು 

ಎಲ್ಲದರಲ್ಲೂ ಜೀವಿಸು

೪

ನಗು ಮೊಗದ ಶೋಭಿತೆ

ದಿಟ್ಟ ಹೆಜ್ಜೆಯ ವನಿತೆ 

ಅವಳಲ್ಲಿದೆ ಸಭ್ಯತೆ

ನಡತೆಯಲ್ಲಿದೆ ಪರಿಶುದ್ಧತೆ

ಹೆಣ್ಣೆಂದರೆ ಪರಿಪೂರ್ಣತೆ

ಅವಳಲ್ಲಿಲ್ಲ ಯಾವ ಕೊರತೆ

  ✍️ ಸ್ವಾತಿ ರಾವ್.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)