ಮೌನದ ಬೆಡಗಿ (ಕವಿತೆ) - ಗೂಳೇಶ್ ಬಿ ಯಾಗಾಪೂರ.

ಮರೆಯಾದೆಯ ಗೆಳತಿ

ಮರಳಿ ನೋಡುವ ಕಣ್ಣಿಂದ

ಕರಗಿ ಆವಿಯಾದ ಹನಿಯಿಂದ ಜಾರಿ

ನೀ ಮನದಲಿ ಮುತ್ತಾಗಿಹೆ ಗೆಳತಿ

ಕಣ್ಮರೆಯಾದೆಯ ಗೆಳತಿ

ಕಲ್ಲು ಬಂಡೆಯಂತಿದ್ದ  ಹೃದಯವನು 

ಹದ ಮಾಡಿ ಕಾಣದಾದೆಯ

ನೀ ಮನದಲಿ ಮುತ್ತಾಗಿಹೆ ಗೆಳತಿ

ಮರು ಕಾಣದೆ ಹೋದೆಯ ಗೆಳತಿ

ಕರ ಹಿಡಿದು ನಡೆದ ಕೈಗಳಿಗೆ

ಉತ್ತರಿಸದೆ ಹೋದೆಯಾ 

ನೀ ಮನದಲಿ ಮುತ್ತಾಗಿಹೆ ಗೆಳತಿ

ಮನಕೆ ಎಚ್ಚರಿಸದೆ ಹೋದೆಯ ಗೆಳತಿ

ನಿನಗಾಗಿ ಚಡಪಡಿಸುವ ಎದೆಬಡಿತ

ಕೇಳಲಾದರು ಬರಬಾರದೇ ನೀ ಓಡಿ

ನೀ ಮನದಲಿ ಮುತ್ತಾಗಿಹೆ ಗೆಳತಿ

ನಿನ್ನಿಂದ ಜೀವ‌ ತುಂಬಿದ

ಕವನಗಳನ್ನಾದರು ನೋಡಲು 

ನೀ ಬರಬಾರದೇ ಗೆಳತಿ

ನೀ ಮನದಲಿ ಮುತ್ತಾಗಿಹೆ ಗೆಳತಿ

     

 - ಗೂಳೇಶ್ ಬಿ ಯಾಗಾಪೂರ(ಕರಿಗೂಳಿ), ಚಿತ್ತಾಪುರ ತಾ. ಕಲಬುರ್ಗಿ ಜಿಲ್ಲೆ. # 9611592800

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)