ನಾಡು ನುಡಿ ( ಕವಿತೆ) - ಧ್ಯಾಮ್ ರಾಜ್.ವಾಯ್ಹ್. ಸಿಂದೋಗಿ.

ನಾಡು ನುಡಿ

ನಾಡು ನುಡಿಯ ಅಭಿಮಾನ

ಪೂಜಿಸು ಹೆತ್ತ ತಾಯಿ ಸರಿಸಮಾನ

ಕಾಪಾಡು ಇಬ್ಬರದು ಒಂದೇ ಮಾನ

ಉಳಿಸು ಸತ್ಯ ನ್ಯಾಯ ನೀತಿ ಧರ್ಮನ//

ನೂರು ವೇಷ ಹಾಕಿ ಮೆರದರು

ಹತ್ತು ಭಾಷೆ ಕಲಿತು ಅಲೆದರು

ತಾಯಿ ನಾಡು ನುಡಿ ಮರೆಯದಿರು

ಅದಾಗಿದೆ ಸ್ವಾಭಿಮಾನದ ತವರು//

ಸುಂದರ ಮಾಡಿಕೊ ಜೀವನ

ನೆನೆದು ಚೂರು ತ್ಯಾಗ ಬಲಿದಾನ

ಇಟ್ಟ ಹೆಜ್ಜೆ ಆಗಲು ಪಾವನ

ಅರಿ ಸಾಧು ಸಂತರ ಪ್ರವಚನ//

ಕನ್ನಡ ನಾಡಿನ ಇತಿಹಾಸ ಅರಿತರೆ

ಮುಖದಲಿ ಮುಡುವದು ನಗುವಿನ ಅಕ್ಕರೆ

ಇಂದಿಗೂ ಮಾದರಿ ಶೂರ ಧೀರ ಅರಸರೆ

ಶೌರ್ಯ ಅಮರ ಅಂದರು ಜಾಣ ಜನರೆ//

ಅನ್ನ ಬಟ್ಟೆ ನೀಡಿದ ನೆಲವನೆ

ಗೌರವ ತಂದುಕೊಟ್ಟ ಭಾಷೆಯನೆ

ಮಾಡಿಕೊ ಕಂದ ನಿನ್ನ ಮುಕುಟವನೆ

ನಂದನ ಆ ಬಂಧನ ತಿಳಿ ಕಂದನೆ//

✍️ಧ್ಯಾಮ್ ರಾಜ್.ವಾಯ್ಹ್. ಸಿಂದೋಗಿ, ಸಾ!ಭೈರಾಪೂರ, ತಾ!ಜಿ!ಕೊಪ್ಪಳ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)