ಭುವಿ ಸ್ವರ್ಗವಾಗಿಸಿದೆ (ಕವಿತೆ) - ತುಳಸಿದಾಸ ಬಿ. ಎಸ್.

                ಆ ರವಿಯ ಕಿರಣಕೆ

               ಇಬ್ಬನಿಯು ಹೊಳೆದಂತೆ

               ಎನ್ನ ಕಾಣುತ ಮಖವು

               ಮಿಂಚುವುದು ಹೊನ್ನಂತೆ

               ವಿರಹದ ಪ್ರತಿ ಗಳಿಗೆ

               ತಾಯಿ ಕರುಳ ಮಿಡಿವಂತೆ

               ನಿನ್ನ ಪ್ರೀತಿಯ ಮುಂದೆ

               ಆ ಬಾನು ಮಿಡಿಯಂತೆ

              ಪ್ರೀತಿ ಸಸಿಗೆ ನೀರೆರೆದು

              ಅರಳುತ ಹೂವಿನಂತೆ

              ನೆಲೆಸೆನ್ನ ಮನದಲ್ಲಿ

              ಹಸಿರುಟ್ಟ ಮಲೆಯಂತೆ

             ಬರಗಾಲದ ಆ ಮಳೆಗೆ

             ದೇಹ ತಾ ಮಿಂದಂತೆ

             ಹಣಿಸಿ ಪ್ರೀತಿಯ ತಣಿಸಿ

             ನಲಿಸುವೆ ಮೊದಲಿನಂತೆ

              ಹರೆ ಕರಗದೆಲೆ ತರುಣಿ

              ಮಳೆಗಾಲದ ಹಸಿರಂತೆ

              ಭುವಿ ಸ್ವರ್ಗವಾಗಿಸಿದೆ

              ಉದಯದ ರವಿಯಂತೆ

- ತುಳಸಿದಾಸ ಬಿ. ಎಸ್., ಸಿಂಧನೂರು.