ತವರೂರ ಓಡವೆ (ಕವಿತೆ) - ಅಂಜನ್ ಕುಮಾರ್

*ತವರೂರ  ಓಡವೆ*

ತವರೂರ ಬಾಗಿನ

ಮಡಿಲಕ್ಕಿ ಬೆಲ್ಲದಚ್ಚು

ಯಾಲಕ್ಕಿ ಬಾಳೆ ತಂಬಿಟ್ಟು

ತಂದುಕೊಡುತ್ತಾನೆ ಅಣ್ಣಯ್ಯ.

ಮಾರನಾಮಿ ಕಳೆದು

ಗೌರಿಗೆ ಮೂರು ದಿವಸ

 ತಂಗಿಯ ನೋಡಲಿಕ್ಕೆಂದು

ಅಣ್ಣ ಬರುತ್ತಾನಾ  ಆ ದಿವಸ

ಹಸಿರು ಸೀರೆಯ

ಕಪ್ಪು ಬಳೆ ಯ

 ಅರಿಶಿಣ ಕುಂಕುಮ

ದುಂಡು ಮಲ್ಲಿಗೆ  ಸುಮಾ

ಕನ್ನಡಿ ಕಾಡಿಗೆ

ಘಂ ಎಂದ ಸಂಪಿಗೆ

ತಾಂಬೂಲ ಸಕ್ಕರೆ

ಅಣ್ಣನ ಸಿಹಿ ಪ್ರೀತಿ ಅಕ್ಕರೆ

 

  - ಅಂಜನ್ ಕುಮಾರ್ 

ಪುರ ಹಾಗಲವಾಡಿ

ಗುಬ್ಬಿ ತಾ 

ತುಮಕೂರು ಜಿಲ್ಲೆ.

ದೂ: 7483146697.

(ತಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ : 9448241450 ಸಂಪಾದಕರು ವಿ ಮ ಸಾ ಪ )