ನೆಮ್ಮದಿಯ ನಿಟ್ಟುಸಿರು (ಕವಿತೆ) - ಭರತ್ ಕೆ.ಆರ್.

ಬಡತನದ ಬೇಗೆಯ ಕಣ್ಣಾರೆ ಕಂಡು

ಸುಡುತಿಹುದು ಮನ ಮನಸ್ಸುಗಳನ್ನು

ಒಳಗೊಳಗೇ ತಾನು ಕಸಿವಿಸಿಗೊಂಡು

ತಬ್ಬಿಬ್ಬಾಗಿ ಮಂಕಾಗಿ  ಕುಳಿತಿಹರು//

ಬಡತನದಲ್ಲಿ ಸಿರಿತನ ಕಂಡವರು

ಪುಟ್ಟ ಗುಡಿಸಲ ಸೂರಿನಡಿಯಲ್ಲಿ

ಪ್ರೀತಿಯನ್ನು ಹಂಚುತ್ತಾ ಬೆಳೆದವರು

ಬೇದ ಭಾವ ತೋರದ ಮುಗ್ಧ ಜನರು//

ಪ್ರತ್ಯೇಕ ಕೊಠಡಿಗಳ ಗೊಡೆಯಿಲ್ಲ

ಬಿರುಕು ಮೂಡಿದ ಮನಮನಸ್ಸುಗಳಿಲ್ಲ

ಅಸ್ಸುಯ್ಯೆ ಇಂದ ಕೂಡಿದ ಬಂದುತ್ವವಿಲ್ಲ

ತಾನು ತನ್ನದೆನ್ನುವ ಘರ್ವವಿಲ್ಲ//

ಸಿರಿತನಕ್ಕೆ ಮಾರುಹೋಗದ ಮಂದಿ

ಬಡತನಕ್ಕೆ ಕುಗ್ಗಿ ಹಿಂಜರಿಯದ ಮಂದಿ

ಕಷ್ಟಕ್ಕೆ ಒಗ್ಗೂಡಿ ಜೊತೆಗೂಡುವ ಮಂದಿ

ಮನುಷತ್ವ ಅರಿತು ಮುನ್ನಡೆಯುವ ಮಂದಿ //

ನೆರೆಹೊರೆಯೊಳು ಸಹಬಾಳ್ವೆ ನೆಡೆಸಿಹರು

ಎಲ್ಲಾ ಕೂತು ಹಂಚುಂಡಿ ತಿನ್ನುವರು

ಶುದ್ಧ ಮನಸ್ಸಿನ ಮುಗ್ಧ ಮನಸ್ಸಿನವರು

ಏನು ಇಲ್ಲದ ಬಡ ಜನರು ನನ್ನವರು//

✍️ಭರತ್ ಕೆ ಆರ್  S/O ರಂಗಸ್ವಾಮಿ. ಎಂಜಿನಿಯರಿಂಗ್ ವಿದ್ಯಾರ್ಥಿ, ಹಾಸನ ಜಿಲ್ಲೆ.

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)