ರೈತಣ್ಣನಿಗೊಂದು ನಮನ (ಕವಿತೆ) - ಶಾಂತಾರಾಮ ಶಿರಸಿ

 ಅರಿತವರು ಅನುಭವದಿಂದ ಹೇಳಿಹರು ಕೋಟಿ ವಿದ್ಯೆಗಳಲ್ಲಿ ಮೇಟಿ ವಿದ್ಯೆಯೆ ಮೇಲೆಂದು, 

"ಮೇಟಿಯಿಂ ರಾಟೆ ನಡೆದುದಲ್ಲದೆ-ದೇಶ

ದಾಟವೆ ಕೆಡಗುಂ"ಸರ್ವಜ್ಞ ನ ನುಡಿ ಅರಿಯಬೇಕು ಶ್ರೇಷ್ಠ ವೆಂದು, 

ಜೈ ಕಿಸಾನ್ ಎಂದು ಕೂಗಿ ಸಾರಿ-ಸಾರಿ ಹೇಳಿಹರು ಶ್ರೇಷ್ಠರು ಅಂದು, 

ರೈತನಿಗೆ ನಮಿಸುತಿರು ಎಂದೆಂದೂ.. 

ಹಸಿವ ನೀಗಿಸಿ ಒರೆಸುವನು ಕಂಬನಿ,

ಶ್ರೇಷ್ಠ ಕಾಯಕದ ಹಿಂದಿದೆ ರೈತನ ಬೆವರ ಹನಿ,

ಹಗಲು-ರಾತ್ರಿ ಎನ್ನದೇ ಸುರಿಸುವನು ಯಾರಿಗೂ ಕಾಣದಿರುವ ಕಣ್ಣ ಕಂಬನಿ..

ಭೂ ತಾಯಿಯ ಪ್ರೀತಿಯ ಕುವರ, 

ಭೂಮಿಯನು ಉತ್ತಿ-ಬಿತ್ತಿ ಉಳುಮೆಯ ಮಾಡಿ ಕಾಣುವನು ಬೆಳೆದು ನಿಂತ ಪೈರಿನ  ಹಸಿರ,

ರೈತನಿಗೆ ಬೆನ್ನೆಲುಬಾಗಿ ನಿಲ್ಲುತ್ತವೆ ನೇಗಿಲು-ನೊಗ, ರಗಡ್ ಎತ್ತು-ಕೋಣ, ಆಧುನಿಕ ಯಂತ್ರ-ಜ್ಞಾನದ ತಂತ್ರ, 

ರೈತನು ಬೆಳೆದ ಹಸಿರಿನಿಂದ ನಾವಾಡುತಿಹೆವು ಉಸಿರ, 

ಅನ್ನ - ಆಹಾರದ ಹಿಂದಿದೆ ರೈತನ ಬೆವರಿನ ಶ್ರಮ ಅಪಾರ, 

ಅನ್ನವನು ನೀಡಿ ಹಸಿವ ನೀಗಿಸುವ ಸರದಾರ, 

ನಾವು ಬದುಕಲು ರೈತನೇ ಆಧಾರ, 

ರೈತನಿಗೆ ನಮಿಸುತಿರು ನಿರಂತರ, 

ಜೈ ಕಿಸಾನ್ ಎಂಬ ಶ್ರೇಷ್ಠರ ನುಡಿಯು ಹೊತ್ತಿದೆ ಭಾರ, 

"ಅನ್ನತೋ ಪ್ರಾಣ:

ಪ್ರಾಣತೋ ಪರಬ್ರಹ್ಮ"

"ಅನ್ನದಾತೋ-ಸುಖೀಭವ" ನಿತ್ಯ-ಸತ್ಯ ಸಾರ

ಕೃಷಿಯಿಂದ ಕೂಡಿದ ಬದುಕು

ಖುಷಿಯಿಂದ ಮುಂದೂಕು... 

-  ಶಾಂತಾರಾಮ ಶಿರಸಿ, 

ಉತ್ತರ ಕನ್ನಡ.. 

8762110543

(ನಿಮ್ಮ ಬರಹಗಳ ಪ್ರಕಟಣೆಗಾಗಿ ಸಂಪರ್ಕಿಸಿ 9448713659 ವಾಟ್ಸಪ್ ಮಾತ್ರ)